ଟାଙ୍ଗୀ:-୨୬/୧୧(ବିନୁ ଦାସ୍):- ଖୋର୍ଦ୍ଧା ଜିଲ୍ଲାର ଟାଙ୍ଗୀ ବ୍ଲକ ପରିସରରେ ମହାପୁରୁଷ ମହାତ୍ମାଗାନ୍ଧୀ ଏବଂ ଟାଙ୍ଗୀ ବ୍ଲକ ର ପ୍ରଥମ ଚେୟାରମ୍ୟାନ ନନ୍ଦ କିଶୋର ମାନସିଂହ ଙ୍କର ପ୍ରତିମୂର୍ତ୍ତି ଲୋକାର୍ପିତ ହୋଇଯାଇଛି । ଖୋର୍ଦ୍ଧା ବିଧାୟକ ଜିତୁ ମିତ୍ର ଏବଂ ରାଜ୍ୟ ସଭା ସାଂସଦ ମୁନା ଖାଁ ଅତିଥି ଭାବରେ ଯୋଗଦେଇ ଏହି ଲୋକାର୍ପଣ କରିଛନ୍ତି । ଏନେଇ ଆୟୋଜିତ କାର୍ଯ୍ୟକ୍ରମ ରେ ବିଧାୟକ ଓ ସାଂସଦଙ୍କ ସମେତ ଟାଙ୍ଗୀ ବ୍ଲକ ଚେୟାରମ୍ୟାନ ବିଜୟ କୁମାର ଜେନା , ଟାଙ୍ଗୀ ବିଡ଼ିଓ ଐଶ୍ୱର୍ଯ୍ୟା ସାମନ୍ତରାୟ ଏବଂ ଟାଙ୍ଗୀ ବ୍ଲକ ଉପାଧ୍ୟକ୍ଷ ତୃପ୍ତିମୟୀ ଆଚାର୍ଯ୍ୟ ପ୍ରମୁଖ , ସମାଜସେବୀ ସୁଧୀର କୁମାର ମାନସିଂହ ପ୍ରମୁଖ ଯୋଗ ଦେଇଥିଲେ ।
ବିଧାୟକ ଓ ସାଂସଦ ଙ୍କ ଦ୍ଵାରା ଏହି କାର୍ଯ୍ୟକ୍ରମ ରେ ଉପସ୍ଥିତ ଥିବା ଟାଙ୍ଗୀ ବ୍ଲକ ର ଜନପ୍ରତିନିଧି ମାନଙ୍କୁ ପୁଷ୍ପ ଗୁଛ୍ଛ ଓ ଉତ୍ତୋରୀୟ ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା । ଟାଙ୍ଗୀ ବ୍ଲକ ଚେୟାରମ୍ୟାନ ବିଜୟ କୁମାର ଜେନା ଏବଂ ସମାଜସେବୀ ବିଜୟ ମହାପାତ୍ର ସଭା ପରିଚାଳନା କରିଥିଲେ ।
