କାଳୁପଡ଼ା ଘାଟ:-୧୭/୧୧(ବିନୁ ଦାସ୍) ଦୀର୍ଘଦିନ ଧରି ଟାଙ୍ଗୀ ଥାନା ଅନ୍ତର୍ଗତ ବିଭିନ୍ନ ଅଞ୍ଚଳରେ ଜୁଆ ଖେଳ ଚାଲି ଆସୁଥିବାବେଳେ କିଛି ସ୍ଥାନରେ ଜୁଆ ଖେଳରେ ଲଗାମ ଲଗେଇ ପାରିଛି ଟାଙ୍ଗୀ ପୋଲିସ।ସୂଚନାଯୋଗ୍ୟ କି ଟାଙ୍ଗୀ ଥାନା ଅନ୍ତର୍ଗତ କାଳୁପଡ଼ା ଘାଟ ଜରିପଡା ଗଡ଼ରେ ଅବସ୍ଥିତ ପାଣି ଦୁଆର ଗ୍ରାମ ।ଏହି ଗ୍ରାମରେ ଦୀର୍ଘ ଦିନ ଧରି ଜୁଆ ଖେଳ ଚାଲୁଥିଲା ଏବଂ ଏବାବଦରେ ଟାଙ୍ଗୀ ଥାନାଧିକାରୀ ବିଜୟ ମଲ୍ଲିକ ଏବଂ ବାଲୁଗାଁ ଏସ୍ ଡିପିଓ ମାନସ ରଞ୍ଜନ ବାରିକ ମଧ୍ୟ ଜାଣିଥିଲେ।କିନ୍ତୁ ଆଗୁଆ ପୋଲିସ ଆସିବାର ପୂର୍ବ ସୂଚନା ମିଳିଗଲେ ପୋଲିସ ଆଖିରେ ଧୂଳି ଦେଇ ଫେରାର ହୋଇଯାଉଥିଲେ।
ଗତରାତ୍ରି ରେ ଟାଙ୍ଗୀ ଥାନାଧିକାରୀ ବିଜୟ ମଲ୍ଲିକ ଜରିପଡା ପାଣିଦୁଆର ଗ୍ରାମର ଆରତ ଘଡେଇ ଙ୍କର ଘରେ ଜୁଆ ଖେଳ ଚାଲୁଥିବା ସମୟରେ ଚଉଦ ଜଣ ଜୁଆଡ଼ିଙ୍କୁ କାବୁ କରିବାକୁ ସମର୍ଥ ହୋଇଥିଲେ।ଏହି ସମୟରେ ଜୁଆଡ଼ି ମାନଙ୍କ ଠାରୁ ନଗଦ ୫୧୨୦୦ ଟଙ୍କା ଜବତ ସହ ଛଅ ଗୋଟି ବାଇକ୍ ଏବଂ ଏଗାର ଟି ମୋବାଇଲ ଫୋନ ଜବତ କରି କୋର୍ଟ ଚାଲାଣ କରିଛି ଟାଙ୍ଗୀ ପୋଲିସ । ଗିରଫ ଜୁଆଡ଼ି ମାନେ ହେଲେ ଜରିପଡା ଅଞ୍ଚଳର ୧-କଳିଙ୍ଗ ବେହେରା ( ଡିଗିରି ସାହି),୨-ବିନୋଦ ବେହେରା,ଦୀନବନ୍ଧୁ ବେହେରା (ପାଣିଦୁଆର),ଦୁଶାସନ ବେହେରା (କାଳୁପଡା ହାଇସ୍କୁଲ ଛକ),ଆରତୀ ଘଡେ଼ଇ (ପାଣିଦୁଆର),ଦିଲ୍ଲୀପ ବେହେରା (ଜଗନ୍ନାଥ ପୁର),କାଳୁ ବେହେରା (ମାନସିଂ ପୁର) ସୋରଣ,ଅଜୟ ବେହେରା (କାଳିଜାଇ ସ୍କୁଲ ସାହି) ମାନସିଂ ପୁର ସୋରଣ,ଶିବ@ସୁନୀଲ ବେହେରା ଜରିପଡା (ଡିଗିରି ସାହି),ମିଟୁ ବେହେରା (ଜଗନ୍ନାଥ ପୁର),ରାମ ବେହେରା (ଜଗନ୍ନାଥ ପୁର),କରୁଣାକର ବେହେରା (ପାଣିଦୁଆର),ମଧୁ ବେହେରା (ଡିଗିରି ସାହି),ନିବାସୀ ବେହେରା (ପାଣିଦୁଆର) ଗ୍ରାମର ଜୁଆଡ଼ି ମାନଙ୍କୁ ଧରି କୋର୍ଟ ଚାଲାଣ କରିଛି ଟାଙ୍ଗୀ ପୋଲିସ। ୪୪୫/୨୧ ରେ ମାମଲା ରୁଜୁକରିଥିବାର ଟାଙ୍ଗୀ ଥାନାଧିକାରୀ ବିଜୟ ମଲ୍ଲିକ ପ୍ରକାଶ କରିଛନ୍ତି।
