ଗୁଣୁପୁର, (ସିଦ୍ଧାର୍ଥ ଦାସ) ରାୟଗଡ଼ା ଜିଲ୍ଲା ଗୁଣପୁର ଅବକାରୀ ବିଭାଗ ପକ୍ଷରୁ ଆଜି ଭୋର ରେ ପେଟ୍ରୋଲିଂ କରୁଥିବା ସମୟ ରେ ବିଶେଷ ସୂତ୍ର ରୁ ଖବର ପାଇ ଗୁଣପୁର ଅବକାରୀ ଥାନା ଭାରପ୍ରାପ୍ତ ଅଧିକାରୀ ଶ୍ରୀ ହିତାଂସୁ ଶେଖର ମଲ୍ଲିକ ଙ୍କ ନେତୃତ୍ୱ ରେ ପଦ୍ମପୁର ଅଧିନସ୍ଥ ପରିମା ଗ୍ରାମ ର ରଘୁନାଥ ମାଝି (୨୮) , ପିତା – କାର୍ଜି ମାଝି ନାମକ ବ୍ୟକ୍ତି ଙ୍କ ଠାରୁ ୧୫୦ କେଜି ଗଞ୍ଜେଇ ଜବତ କରାଯାଇଥିଲା । ଉକ୍ତ ଗଞ୍ଜେଇ ଗୁଡିକୁ ବାହାର ରାଜ୍ୟ କୁ ରପ୍ତାନି କରିବାକୁ ଅଭିଯୁକ୍ତ ଗଚ୍ଛିତ କରି ରଖିଥିବା ସୁଚନା ଦେଇଥିଲେ ଅବକାରୀ ଥାନା ଅଧିକାରୀ । ଜବତ ଗଞ୍ଜେଇ ର ଆନୁମାନିକ ମୂଲ୍ୟ ୮ ଲକ୍ଷ ଟଙ୍କା ହେବ ବୋଲି ସୁଚନା ମିଳିଛି । ଏଥି ନେଇ ଅବକାରୀ ଥାନା କେସ୍ ନମ୍ବର ୨୮/୨୦୨୧ କ୍ରମେ କମିଟିଂ ଅଫେନ୍ସ୍ ଧାରା ୨୦ (ବି) (ii) (ସି) ଏନ ଡ଼ି ପି ଏସ୍ ଆକ୍ଟ ୧୯୮୫ ଅନୁଯାୟୀ କୋର୍ଟ ଚାଲାଣ କରାଯିବ ବୋଲି ସୁଚନା ଦେଇଛନ୍ତି । ଏହି ପେଟ୍ରୋଲିଂ ସମୟ ରେ ଗୁଣପୁର , ଗୁଡାରୀ ଓ ପଦ୍ମପୁର ଅବକାରୀ ବିଭାଗ ର କର୍ମକର୍ତ୍ତା ବୃନ୍ଦ ଉପସ୍ଥିତ ରହିଥିଲେ ।
