ଭୁବନେଶ୍ବର,୧୪/୪ : ସମ୍ବଲପୁର ସ୍ଥିତ ଭୀମସାର ହସ୍ପିଟାଲରେ କରୋନା ସ୍ଥିତି ସମୀକ୍ଷା ପରେ ଏହା କହିଛନ୍ତି ମୁଖ୍ୟ ଶାସନ ସଚିବ ସୁରେଶ ମହାପାତ୍ର । ଭୀମସାରରେ ମେଡିସିନ୍ ବିଭାଗ ଥିବା କୋଠାରେ ଦ୍ୱିତୀୟ କୋଭିଡ ହସ୍ପିଟାଲ ୧୦ ଦିନ ମଧ୍ୟରେ ଆରମ୍ଭ ହେବ ଓ ୫୦ଟି ଆଇସିୟୁ ସହିତ ୨୫୦ଟି ସାଧାରଣ ବେଡ୍ ରହିବ ବୋଲି ନିଷ୍ପତ୍ତି ନିଆଯାଇଛି । ପୂର୍ବରୁ ଭୀମସାରରେ କୋଭିଡ୍ ହସ୍ପିଟାଲରେ ୧୨୦ ଟି ବେଡ୍ ଥିବା ବେଳ ଏଥିରେ ୧୦୫ ଟି ବେଡ୍ ବୃଦ୍ଧି କରାଯାଇଛି । ତେବେ ଦୁଇଟି କୋଭିଡ୍ ହସ୍ପିଟାଲରେ ୫୨୫ଟି ବେଡ୍ ରହିବ । ଛତିଶଗଡରେ କରୋନା ସଂକ୍ରମଣ ବଢୁଥିବାରୁ ପଶ୍ଚିମ ଓଡିଶାର ସମସ୍ତ ଜିଲ୍ଲା ଉପରେ ନଜର ରଖାଯାଇଛି ବୋଲି ସେ କହିଛନ୍ତି । ଏହାସହ ମୁଖ୍ୟ ଶାସନ ସଚିିବ ସୁରେଶ ମହାପାତ୍ର ଝାରସୁଗୁଡା ଏବଂ ଦେବଗଡ ଜିଲ୍ଲାର କରୋନା ସ୍ଥିତି ମଧ୍ୟ ସମୀକ୍ଷା କରିଛନ୍ତି ।
