କନ୍ଧମାଳ,୩୦/୦୩(ସଞ୍ଜୟ କୁମାର ପାଣିଗ୍ରାହୀ):କନ୍ଧମାଳ ଜିଲ୍ଲା ଫୁଲବାଣୀର ତୁଡିପାଜୁ ଠାରେ ଥିବା ଜବାହାର ନବୋଦୟ ବିଦ୍ୟାଳୟ ପରିସରରେ ଆସନ୍ତା ଏପ୍ରିଲ ମାସ ୧ ତାରିଖ ଦିନ ପରୀକ୍ଷା ପେ ଚର୍ଚ୍ଚା କାର୍ଯ୍ୟକ୍ରମ ର ପରିବେଷଣ କରାଯିବ ବୋଲି ଅଧ୍ୟକ୍ଷ ଶ୍ରୀକାନ୍ତ ରଥ ଜଣାଇଛନ୍ତି । ଛାତ୍ର ଛାତ୍ରୀ ଏବଂ ଅଭିଭାବଙ୍କ ମନରେ ଆଗାମୀ ବୋର୍ଡ଼ ପରୀକ୍ଷା ନିମନ୍ତେ ମାନସିକ ସ୍ତରରେ ପ୍ରସ୍ତୁତି ଆରମ୍ଭ ହୋଇଅଛି | ଭାରତର ମାନନୀୟ ପ୍ରଧାନମନ୍ତ୍ରୀ “ପରୀକ୍ଷା ପେ ଚର୍ଚ୍ଚା” ଯାହାକି ଏପ୍ରିଲ ୧ ତାରିଖ (ଉତ୍କଳ ଦିବସ) ଟାଲକଟୋରା ଷ୍ଟାଡିୟମ ନୂଆଦିଲ୍ଲୀରେ ଛାତ୍ର ଛାତ୍ରୀ ମାନଙ୍କୁ ପରୀକ୍ଷା ସମ୍ପର୍କ ରେ ବିଭିନ୍ନ ପ୍ରଶ୍ନର ସମାଧାନ କରି ଉତ୍ସାହ ବର୍ଦ୍ଧନ କରିବେ | ଏହି କାର୍ଯ୍ୟକ୍ରମ ବିଭିନ୍ନ ଗଣମାଧ୍ୟମ ରେଡ଼ିଓ ଦୂରଦର୍ଶନ ଏବଂ ଅନ୍ୟାନ୍ୟ ୱେବସାଇଟ ମାଧ୍ୟମରେ ପ୍ରସାରିତ ହେବ | ଏହାର ସୁଯୋଗ ନେବାପାଇଁ ଜିଲ୍ଲାର ଏବଂ ନିକଟସ୍ଥ ସମସ୍ତ ବିଦ୍ୟାଳୟର ସମସ୍ତ ଛାତ୍ର ଛାତ୍ରୀ ମାନଙ୍କୁ ଅନୁରୋଧ କରାଯାଉଛି | ନବୋଦୟ ବିଦ୍ୟାଳୟ ରେ ଏହି କାର୍ଯ୍ୟକ୍ରମରେ ସମସ୍ତ ଛାତ୍ର ଛାତ୍ରୀ ଏହାର ସୁଯୋଗ ନେଉଥିବା ବେଳେ ନିକଟସ୍ଥ ସମସ୍ତ ବିଦ୍ୟାଳୟର ଛାତ୍ର ଛାତ୍ରୀଙ୍କ ଯୋଗଦାନ କାମନା କରାଯାଉଛି |
