ଢେଙ୍କାନାଳ, (ଶୁଭମ ପାଣି) ଶ୍ରୀ ସତ୍ୟ ସାଇ ସେବା ସଂଗଠନ,ଓଡ଼ିଶା ଢେଙ୍କାନାଳ ଆନୁକୁଲ୍ୟରେ ଆଜି ଜିଲ୍ଲା ସ୍ତରୀୟ ବେଦ ମହୋତ୍ସବ,ଶ୍ରୀ ଦତ୍ତାତ୍ରେୟ ସାଇ ଆଶ୍ରମ,କୃଷ୍ଣ କୁମାର ପୁର,କପିଳାସ ଠାରେ ମହା ସମାରୋହରେ ଅନୁଷ୍ଠିତ ହୋଇ ଯାଇଛି । ଏହି ମହୋତ୍ସବ କୁ ଓଡ଼ିଶାର ରାଜ୍ୟ ସଭାପତି ଡାକ୍ତର ସତ୍ୟ ସ୍ବରୂପ ପଟ୍ଟନାୟକ,ଉଦ୍ଘାଟନ କରିଥିଲେ । ଇଂଜିନିୟର ସଚ୍ଚିଦାନନ୍ଦ ନାୟକ ବେଦର ବୈଜ୍ଞାନିକ ଦିଗ ସମ୍ବଦ୍ଧରେ ଆଲୋକପାତ କରିଥିଲେ । ଢେଙ୍କାନାଳ ଜିଲ୍ଲା ସମେତ,ବରଗଡ଼, ସୋନପୁର,କେନ୍ଦ୍ରାପଡା,କେଉଁଝର, ଅନଗୁଳ, କଟକ,ବାଲେଶ୍ଵର,ଯାଜପୁର, ଖୋର୍ଦ୍ଧା ଏବଂ ଭୁବନେଶ୍ୱର ରୁ ପ୍ରାୟ ୩୫୦ ରୁ ଅଧିକ ବେଦ ଶିକ୍ଷାର୍ଥୀ ଯୋଗ ଦେଇ ଥିଲେ । ଜିଲ୍ଲା ସଭାପତି ସ୍ବାଗତ ଭାଷଣ ଦେଇ ଥିବା ସ୍ଥଳେ,ଢେଙ୍କାନାଳ ସମିତିର ଆବାହକ ଶ୍ରୀ ବିଶ୍ୱଜିତ ନାୟକ ଧନ୍ୟବାଦ ଅର୍ପଣ କରିଥିଲେ । ଏହି ଦିବ୍ୟ କାର୍ଯ୍ୟ କ୍ରମକୁ ଢେଙ୍କାନାଳ ଜିଲ୍ଲାର ବେଦ ସଂଯୋଜିକା ଅମ୍ରିତା ନାଥ ପରିଚାଳନା କରିଥିଲେ ।
