ଭଞ୍ଜନଗର :-(ସୁଶାନ୍ତ କୁମାର ପ୍ରଧାନ )ଗଞ୍ଜାମ ଭଞ୍ଜନଗର ଥାନା ଅନ୍ତର୍ଗତ ମହୁଲିଆ ଗ୍ରାମ ରେ ଗତକାଲି ରାତିରେ ଦଣ୍ଡନାଚ ରେକଡଡାନ୍ସରେ କମେଣ୍ଟ ମାରକୁ କେନ୍ଦ୍ର କରି ଗୋଷ୍ଟି କନ୍ଦଳ। ସୂଚନା ଅନୁଯାୟୀ ଭଞ୍ଜନଗର ନିକଟବର୍ତ୍ତୀ ନୂଆଗାଁ ର ପାରମ୍ପରିକ ଦଣ୍ଡନାଚ ମହୁଲିଆ ଗ୍ରାମରେ ଗତକାଲି ଚାଲିଥିବାବେଳେ ରେକଡଡାନ୍ସ ପ୍ରାରମ୍ଭ ରୁ କିଛି ଯୁବକ କଳାକାର ମାନଙ୍କୁ ଅଶିଲ ଭାଷା ପ୍ରୟଗ କରିବା ସହ କମେଣ୍ଟ ମାରିଥିଲେ । କମେଣ୍ଟ ମାରାକୁ କେନ୍ଦ୍ର କରି ଗ୍ରାମର କିଛି ଯୁବକ ଓ ଆୟୋଜକଙ୍କ ମଧ୍ୟରେ ପ୍ରଥମେ ବଚସା ପରବର୍ତ୍ତୀ ମୁହୂର୍ତ୍ତରେ ତାହା ଉଗ୍ର ରୂପ ନେଇଥିଲା ।ହଟାତ କିଛି ଯୁବକ ମାରଣସ୍ତ୍ର ନେଇ ସ୍ଥାନୀୟ ଲୋକ ଓ ଦର୍ଶକକୁ ଆକ୍ରମଣ କରିଥିଲେ। ନାଚ ଦେଖି ଯାଇଥିବା ଗୋଳପଡ଼ା ଗ୍ରାମର ଦିଲ୍ଲୀପ ପଣ୍ଡାଙ୍କ ପୁଅ ପିକୁନୁ ପଣ୍ଡା
ଆକ୍ରମଣର ଶିକାର ହୋଇ ଗୁରୂତର ହୋଇଥିଲେ। ଖବର ପାଇ ଗ୍ରାମ ନିକଟବର୍ତ୍ତୀ ବେଲଗୁଣ୍ଠା ଥାନାରୁ ପୋଲିସ୍ ପହଞ୍ଚି ଗୁରୁତର ଥିବା ଯୁବକ କୁ ଉଦ୍ଧାର କରିବା ସହିତ ନଚାକୁ ବନ୍ଦ କରିଦେଇ ଥିଲେ।ଅନ୍ୟ ପଟେ ଆହତ ହୋଉଥିବା ଯୁବକ କୁ ଭଞ୍ଜନଗର ମେଡିକାଲ୍ କୁ ଅଣାଯାଇଥିଲା। ପ୍ରାଥମିକ ଚିକିତ୍ସା ପରେ ଯୁବକର ଅବସ୍ଥା ସଙ୍କଟାପନ୍ନ ଥିବାରୁ ଉତ୍ତମ ଚିକିତ୍ସା ପାଇଁ ବ୍ରହ୍ମପୁର MKCG କୁ ପଠାଯାଇଥିବା ସୂଚନା ରହିଛି।
