ଢେଙ୍କାନାଳ, ୦୩.୦୪.୨୦୨୩ : ଅଦ୍ୟ ସୋମବାର ଢେଙ୍କାନାଳ ମିନିଷ୍ଟାଡିୟମ୍ ଠାରେ ପୂର୍ବତନ ସୈନିକ ସଂଘର ମିଳିତ ଆନୁକୂଲ୍ୟରେ ଏକ ପ୍ରତିବାଦ ସଭାର ଆୟୋଜନ ହୋଇଯାଇଅଛି । ଏ ଅବସରରେ ପୂର୍ବତନ ସୈନିକମାନେ ବାଜିଚୌକ ଠାରୁ ବାହାରି ୪୦୦ ରୁ ଉର୍ଦ୍ଧ୍ବ ପୂର୍ବତନ ସେନାନୀମାନେ ଏକତ୍ରିତ ହୋଇ ଏକ ଶୋଭାଯାତ୍ରା କରାଯାଇଥିଲା । ପ୍ରତିବାଦର ମୁଖ୍ୟ ଉଦ୍ଦେଶ୍ୟ ଥିଲା – ଓଆର୍ଓପି-୨ ବିସଙ୍ଗତି, ସମାନ ମିଲିଟାରୀ ସର୍ଭିସ୍ ପେ, ଭିନ୍ନକ୍ଷମ ସୈନିକ ଭତାର ବିସଙ୍ଗତି ବିଷୟରେ ଏକ ଦାବୀପତ୍ର ମହାମହିମ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଅତିରିକ୍ତ ଜିଲ୍ଲାପାଳ ଉଦୟ କୁମାର ମହାପାତ୍ରଙ୍କ ମାଧ୍ୟମରେ ପ୍ରଦାନ କରାଯାଇଥିଲା । ଏଥିରେ ଢେଙ୍କାନାଳ ସଂଘର ସଭାପତି କୈଳାସ ଚନ୍ଦ୍ର ରାଉତ, ଉପସଭାପତି ବିଭୁତି ଭୂଷଣ ନନ୍ଦ, ଉପ-ସଭାପତି ବିମଳ କୁମାର ଶତପଥ, ସଂପାଦକ ସୁବାଷ ଚନ୍ଦ୍ର ହୋତା ଓ ଉତ୍କଳ ସେବା ସଂଘର ଆବାହକ ସିତେଶ କୁମାର ପଣ୍ଡା ଏବଂ ଉପସଭାପତି ଲକ୍ଷ୍ମୀଧର ପ୍ରଧାନ, ଏ.ଓ.ଭି.ଏସ୍ର ସଭାପତି ମହେଶ୍ବର ବେହେରା, ଉପସଭାପତି ନୃସିଂହ ଚରଣ ଶତପଥ୍ ଓ ଅସ୍ଥୂଳ ମହାପାତ୍ର ପ୍ରମୁଖ ଉପସ୍ଥିତ ଥିଲେ ।
