କୋଇଡା :(ଡ଼ମୁ ପାତ୍ର )କୋଇଡା ବିଡ଼ିଓ ପଲ୍ଲବୀ ରାଣୀ ରାଜ ନିଜ ବାପା ଓ ଭାଇଙ୍କ ନାମରେ ଥାନାରେ ଏତଲା ଦେବା ପରେ ବାପା ରମେଶ ଚନ୍ଦ୍ର ରାଜଙ୍କୁ ପୋଲିସ ଗିରଫ କରିଛି l ଏହି ଘଟଣା କୋଇଡା ବିଡ଼ିଓ ପଲ୍ଲବୀ ରାଣୀ ତାଜଙ୍କୁ ପୁଣି ଥରେ ଚର୍ଚା ପରିସର କୁ ଆଣିଛି l କିଛି ଦିନ ତଳେ ବିଡ଼ିଓ ପଲ୍ଲବୀ ରାଣୀ ରାଜଙ୍କ ବଦଳି ପାଇଁ ବହୁ ହଟ୍ଟ ଗୋଳ ଓ ବିକ୍ଷୋଭ ପ୍ରଦର୍ଶନ କରିଥିଲେ l ସୂଚନା ଅନୁଯାୟୀ , ଗତ କାଲି ରାତି ପ୍ରାୟ ଦଶଟା ବେଳକୁ ବିଡ଼ିଓ ପଲ୍ଲବୀ ରାଣୀ ରାଜଙ୍କ କ୍ୱାର୍ଟସ ରେ ତାଙ୍କର ବାପା ରମେଶ ଚନ୍ଦ୍ର ରାଜ ଓ ଭାଇ ସଂଗ୍ରାମ କୁମାର ରାଜ ଅଚାନକ ଆସି ବାଡ଼ିରେ ନିର୍ମମ ଭାବରେ ମାଡ଼ ମାରି ଥିଲେ l ଏହି ସମୟ ରେ ତାଙ୍କର ଚିତ୍କାର ଶୁଣି ପାରିଲେ ପାଖ କ୍ୱାର୍ଟର ରେ ରହୁଥିବା ପଡୋଶୀ ବ୍ଲକ ସହକାରୀ ଯନ୍ତ୍ରୀ ଅଭିଷେକ ପାଣିଗ୍ରାହୀ ଆସିବାରୁ ତାଙ୍କୁ ମଧ୍ୟ ଛାଡି ନଥିଲେ ବାପା ପୁଅ l ଏ ନେଇ କୋଇଡା ବିଡ଼ିଓ ପଲ୍ଲବୀ ରାଣୀ ରାଜ ଥାନାରେ ଏତଲା ଦେବା ପରେ ପୋଲିସ୍ ଏକ ମାମଲା ରୁଜୁ କରି ୩୪/୨୦୨୩ ଅନୁଯାୟୀ ବାପାଙ୍କୁ ଗିରଫ କରିଛି l ଅନ୍ୟ ପଟେ ଭାଇ ସଂଗ୍ରାମ କୁମାର ରାଜ ଫେରାର ଥିବା ଜଣା ପଡିଛି l କୋଇଡା ବିଡ଼ିଓଙ୍କୁ କୋଇଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ଏକ ଟିମ୍ ତାଙ୍କ କ୍ୱାର୍ଟର କୁ ଯାଇ ଚିକିତ୍ସିତ କରିବା ପରେ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଛି l ଏଣେ କୋଇଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ପ୍ରାଥମିକ ଚକିତ୍ସା ପରେ ସହକାରୀ ଯନ୍ତ୍ରୀ ଅଭିଷେକ ପାଣିଗ୍ରାହୀ ଙ୍କୁ ରାଉରକେଲା ସ୍ଥାନାନ୍ତର କରାଯାଇଛି l
