କାଳୁପଡ଼ା ଘାଟ:୦୪/୦୬(ବିନୁ ଦାସ୍) ଆକ୍ସନ ମୁଡ୍ରେ ଟାଙ୍ଗୀ ଥାନା ନୂତନ ଆଇଆଇସି ବିଜୟ ମଲ୍ଲିକ । ପ୍ରାପ୍ତ ସୂଚନା ମୁତାବକ ଆଗକୁ ରଜ ଆସୁଥିବା ବେଳେ ଏବଂ ଲକ୍ ଡାଉନ ସଟ୍ ଡାଉନ ଭଳି ପରିସ୍ଥିତି ରେ କିଛି ଅମାନିଆଁ ଏବଂ ଅସାମାଜିକ ଯୁବକ ଏହାର ସଦୁପଯୋଗ କରିବାକୁ ଭୁଲୁନାହାନ୍ତି । ଟାଙ୍ଗୀ ଥାନାଧିକାରୀ ବିଜୟ ମଲ୍ଲିକ କୌଣସି ସୂତ୍ରରୁ ମିଳିଥିବା ଖବର ଅନୁଯାୟୀ ନିଜେ ନିଜର ପୋଲିସ ବାହିନୀ ସହ ପେଟ୍ରୋଲିଂ କରୁଥିବା ସମୟରେ କାଳୁପଡ଼ା ଘାଟ ଅଞ୍ଚଳର ଜରିପଡ଼ା ପଞ୍ଚାୟତ ଜଗନ୍ନାଥ ପୁର ଗ୍ରାମର ଏକ ନବନିର୍ମିତ କୋଠା ଘରେ ଜଗନ୍ନାଥପୁର ନିବାସୀ ଲିପୁ ବେହେରା ନିର୍ଦ୍ଧେଶରେ ଜୁଆ ଖେଳ ଚାଲିଥିଲା ।
ଏହି ସମୟରେ ଟାଙ୍ଗୀ ଥାନାଧିକାରୀ ଏବଂ ତାଙ୍କ ଟିମ୍ ଚଢ଼ାଉ କରୁଥିବା ବେଳେ ଲିପୁ ବେହେରା ପୋଲିସକୁ ଗାଳି କରିବା ସହ ଧକ୍କା ମୁଖୀ ହୋଇଥିଲା । ଏହି ସମୟରେ ଟାଙ୍ଗୀ ଥାନାଧିକାରୀ ନିଜର ପରିଚୟ ଦେଇ ଜୁଆଡି ମାନଙ୍କୁ କାବୁ କରିବାରେ ସକ୍ଷମ ହୋଇଥିଲେ । ଜଗନ୍ନାଥ ପୁର ଗ୍ରାମର (୧) ଭୁବନ ବେହେରା,(୨) ଲିପୁ ବେହେରା,(୩) ଦିଲ୍ଲୀପ ବେହେରା,(୪) ନରହରି ବେହେରା(୫) ଅଶୋକ ବେହେରା କୁ ଗିରଫଦାରି କରିଥିବା ବେଳେ ସେମାନଙ୍କ ଠାରୁ ପୋଲିସ ଷୋଳହଜାର ଆଠ ଶହ ଟଙ୍କା ଜବତ କରିଥିବା ବେଳେ ଚାରିଗୋଟି ମୋବାଇଲ ଫୋନ ଜବତ କରିଛି ଟାଙ୍ଗୀ ପୋଲିସ।
ଅଭିଯୁକ୍ତ ମାନଙ୍କୁ କେଶ୍ ନମ୍ବର ୧୮୪/୨୧ ରେ ମାମଲା ରୁଜ୍ଜୁ କରିଥିବା ବେଳେ ୩୪୧/୩୫୩/୨୯୪/୩୪ ଦଫା ଲଗାଇ କୋର୍ଟ ଚାଲାଣ କରାଯାଇଛି । ଅପରପକ୍ଷରେ ଟାଙ୍ଗୀ ଥାନା ଅନ୍ତର୍ଗତ ଚଣ୍ଡେଶ୍ୱର ଛକ ନିକଟରେ ଥିବା ବେଣୀ ପଥରରେ ହେଉଥିବା ଜୁଆ ଆଡ୍ଡାକୁ ଚଢ଼ାଉ କରିବାକୁ ଅଞ୍ଚଳବାସୀ ଥାନା ଅଧିକାରୀ ବିଜୟ ମଲ୍ଲିକ ଙ୍କୁ ଅନୁରୋଧ କରିବା ସହ ପୋଲିସ ବର୍ତ୍ତମାନ ଅଞ୍ଚଳରେ ଶାନ୍ତି ପ୍ରତିଷ୍ଠା କରିଥିବାରୁ ଧନ୍ୟବାଦ ଦେଇଛନ୍ତି ।
