ଟାଙ୍ଗୀ:୦୪/୦୬(ବିନୁ ଦାସ୍), ରୋଡ୍ ଡିଭାଇଡରରେ ଧକ୍କା ଦେଇ ଓଲଟି ପଡିଲା ଓଟୋ ରିକ୍ସା , ମା’-ଝିଅ ଗୁରୁତର , ଘଟଣା ସ୍ଥଳରେ ଶ୍ୱଶୁର ମୃତ । ଖୋର୍ଦ୍ଧା ଜିଲ୍ଲାର ୧୬ ନଂ ଜାତୀୟ ରାଜପଥ ନାଚୁଣୀ ଛକ ନିକଟରେ ଘଟିଛି ଦୁର୍ଘଟଣା । ଏହି ଅଟୋ ରିକ୍ସାଟି ଖୋର୍ଦ୍ଧା ଜିଲ୍ଲା ବାଣପୁର ସ୍ଥିତ ପାତ୍ରପୁର ଗାଁ ରୁ ନୟାଗଡ଼ ଯାଉଥିବା ବେଳେ ଘଟିଛି ଏହି ଦୁର୍ଘଟଣା । ମୃତକ ଜଣକ ପାତ୍ରପୁର ଗାଁର ରାମକୃଷ୍ଣ ବିଶୋଇ । ଗୁରୁତର ଆହତ ହୋଇଥିବା ମା’ଝିଅଙ୍କୁ ପ୍ରଥମେ ଟାଙ୍ଗୀ ମେଡିକାଲ ପରେ ଭୁବନେଶ୍ୱର ସ୍ଥାନାନ୍ତରିତ କରାଯାଇଛି । ବାଣପୁର-ନାଚୁଣୀ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛନ୍ତି ।
