ନୂଆଦିଲ୍ଲୀ: ରୁଷିଆର କୋଭିଡ ଟିକା ସ୍ପୁଟନିକ୍ ଭି ଭାରତରେ ପହଞ୍ଚିସାରିଛି ଏବଂ ଆସନ୍ତା ସପ୍ତାହ ଠାରୁ ବଜାରରେ ଏହା ଉପଲବ୍ଧ ହେବ ବୋଲି ଗୁରୁବାର ଦିନ ନୀତି ଆୟୋଗ ସଦସ୍ୟ ଡାକ୍ତର ଭି.କେ ପୌଲ କହିଛନ୍ତି। ସ୍ପୁଟନିକ୍ ଭିର ପ୍ରଥମ ବ୍ୟାଚ୍ ପହଞ୍ଚିସାରିଥିବା ବେଳେ ଆଗାମୀ ଦିନରେ ରୁଷରୁ ଅଧିକ ଟିକା ଆସି ପହଞ୍ଚିବ ବୋଲି ସେ କହିଛନ୍ତି |
କୋଭାକ୍ସିନ ୫୫ କୋଟି, ବାୟୋ ଇ-ଟିକା ୩୦ କୋଟି ଉପଲବ୍ଧ ହେବା ନେଇ ଆକଳନ କରାଯାଇଛି। ଜାଇଡସ୍ କାଡିଲା ଟିକା ୫ କୋଟି, SII ନୋଭାଭାକ୍ସ ୨୦ କୋଟି ଉପଲବ୍ଧ ହେବ ବୋଲି କୁହାଯାଇଛି। କେବଳ ଏତିକି ନୁହେଁ ବରଂ ବିବି ନାଜାଲ ଭାକ୍ସିନ ୧୦ କୋଟି, ଜେନୋଭା ଟିକା ୬ କୋଟି ଉପଲବ୍ଧ ହେବ। ଏହାସହ ରୁଷ୍ ଟିକା ସ୍କୁଟନିକ୍-ଭି ମଧ୍ୟ ୧୫.୬ କୋଟି ଉପଲବ୍ଧ ହେବ ବୋଲି କହିଛନ୍ତି ପଲ୍।
ଏହାସହ ଆସନ୍ତା ସପ୍ତାହରେ ସ୍ପୁଟନିକ-ଭି ଟିକା ମାର୍କେଟରେ ମିଳିବା ସମ୍ଭାବନା। ଟିକା ସଂପର୍କରେ ବଡ଼ ସୂଚନା ଦେଇଛନ୍ତି ଭି.କେ. ପଲ୍। ଆସନ୍ତା ସପ୍ତାହରେ ସ୍କୁଟନିକ ଭି ମାର୍କେଟରେ ମିଳିବା ନେଇ ଆଶାବାଦୀ ବୋଲି କହିଲେ। ଏହାସହ ରୁଷରୁ ଆସୁଥିବା ସୀମତ ସଂଖ୍ୟକ ଟିକା ମାର୍କେଟରେ ମିଳିବା ସମ୍ଭାବନା ରହିଛି ବୋଲି ଶ୍ରୀ ପଲ୍ ସୂଚନା ଦେଇଛନ୍ତି।
