ଭୁବନେଶ୍ବର ୨୫/୧୦: ଭୁବନେଶ୍ବର ବରମୁଣ୍ଡା ଓଭରବ୍ରିଜ ତଳୁ ମୃତଦେହ ଉଦ୍ଧାର। ମୃତକଙ୍କ ପରିଚୟ ମିଳି ନ ଥିବା ବେଳେ ବ୍ରିଜ ତଳ ନାଳରେ ଯୁବକଙ୍କ ମୃତଦେହ ମିଳିବା ପରେ ଖଣ୍ଡଗିରି ଥାନା ପୋଲିସ ଯୁବକଙ୍କ ମୃତଦେହ ଉଦ୍ଧାର କରି ପୋଷ୍ଟମର୍ଟମ ପାଇଁ ପଠାଇଛି । ମୃତ ଯୁବକଙ୍କ କଳା ରଙ୍ଗର ହୋଣ୍ଡା ୟୁନିକର୍ଣ୍ଣ ବାଇକ ମଧ୍ୟ ନାଳରେ ପଡିଥିବା ଦେଖିବାକୁ ମିଳିଛି । ଗାଡିର ନମ୍ବର OD02Q2965 ରହିଛି। ଦୁର୍ଘଟଣା ଯୋଗୁଁ ଯୁବକଙ୍କ ମୃତ୍ୟୁ ଘଟିଛି ନାଁ କେହି ତାକୁ ହତ୍ୟା କରିଛି ସେ ନେଇ ତଦନ୍ତ ଚଲାଇଛି ପୋଲିସ । ମୃତକଙ୍କ ପରିଚୟ ଏପର୍ଯ୍ୟନ୍ତ ମିଳିନାହିଁ। ମାମଲାରେ ପୋଲିସର ତଦନ୍ତ ଓ ପୋଷ୍ଟ ମର୍ଟମ ରିପୋର୍ଟ ଆସିବା ପରେ ପ୍ରକୃତ ତଥ୍ୟ ସାମ୍ନାକୁ ଆସିବ ।
