ଢେଙ୍କାନାଳ,୨୪.୦୪(ଶୁଭମ ପାଣି): ଢେଙ୍କାନାଳ ସହରସ୍ଥିତ ସୁଲକ୍ଷଣା ଦେବୀ ସରକାରୀ ଉଚ୍ଚ ବିଦ୍ୟାଳୟର ରାଜ୍ୟ ସ୍କାଉଟ ଏଣ୍ଡ ଗାଇଡ୍ ତରଫରୁ ଛାତ୍ରୀ, ଶିକ୍ଷକ, ଶିକ୍ଷୟିତ୍ରୀ ଏବଂ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ମିନତୀ ଦେହୁରୀଙ୍କ ସହଯୋଗ କ୍ରମେ ‘‘ଚଳଛତ୍ର’’ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ଏହି ଦିବସରେ ବିଦ୍ୟାଳୟର ସ୍କାଉଟ୍ ଏଣ୍ଡ ଗାଇଡ୍ ଦାୟିତ୍ୱରେ ଥିବା ଶିକ୍ଷୟିତ୍ରୀ ଲିପିକା ନାୟକ, ବିଦ୍ୟାଳୟର ଅନ୍ୟାନ୍ୟ ଶିକ୍ଷକ, ଶିକ୍ଷୟିତ୍ରୀ ତଥା ସ୍କାଉଟ୍ ଏଣ୍ଡ ଗାଇଡ୍ର ଛାତ୍ରୀମାନେ ପ୍ରଚଣ୍ଡ ରୌଦ୍ରତାପରେ ପଥୁକମାନଙ୍କର ତୃଷ୍ଣା ନିବାରଣ ନିମନ୍ତେ ଦହିସରବତର ଆୟୋଜନ କରିଥିଲେ । ଏହି କାର୍ଯ୍ୟକ୍ରମରେ ବିଦ୍ୟାଳୟର ଶିକ୍ଷକ ଦୁଷ୍ମନ୍ତ କୁମାର ସାହୁ, ପ୍ରଶାନ୍ତ କୁମାର ଜେନା, ଶିକ୍ଷୟିତ୍ରୀ ସାଗରିକା ପଣ୍ଡା, ଉପାସନା ନାଥଶର୍ମା, ମାମାଲି ମିଶ୍ର, ସୁଲୋଚନା ଭୂତିଆ, ଜୟନ୍ତୀ ବେହେରା, ପ୍ରଣତି ପତି ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମଟିକୁ ସଫଳ କରିଥିଲେ ।
