ଆଜି ଚ଼ିଲିକା ନିର୍ବାଚ଼ନ ମଣ୍ଡଳୀର ବାଣପୁର ବ୍ଲକ ବିଜେପିର ସାଂଗଠନିକ ବୈଠକ ଚ଼ିଲିକାର ପୂର୍ବତନ ବିଧାୟକ ଡ଼ାଃ ବିଭୂତିଭୂଷଣ ହରିଚ଼ନ୍ଦନ ଙ୍କ ବାସଭବନ ଠାରେ ଅନୁଷ୍ଠିତ ହୋଇଥିଲା।ଏହି ବୈଠକରେ ବର୍ଷୀୟାନ ରାଜନେତା ତଥା ଚ଼ିଲିକା ନିର୍ବାଚ଼ନ ମଣ୍ଡଳୀର ପୂର୍ବତନ ବିଧାୟକ ଡ଼ାଃ ବିଭୂତିଭୂଷଣ ହରିଚ଼ନ୍ଦନ,ବରିଷ୍ଠ ବିଜେପି ନେତା ତଥା ଚ଼ିଲିକା ବିଧାନସଭା କ୍ଷେତ୍ରର ଭାଜପା ବିଧାୟକ ପ୍ରାର୍ଥୀ ଶ୍ରୀ ପୃଥ୍ୱୀରାଜ ହରିଚ଼ନ୍ଦନ,ଜିଲ୍ଲା ଭାଜପା ସାଧାରଣ ସମ୍ପାଦକ ତଥା ଚି଼ଲିକା ବିଧାନସଭା କ୍ଷେତ୍ରର ଭାଜପା ସଂଯୋଜକ ଶ୍ରୀ ଦୁଷ୍ମନ୍ତ ହରିଚ଼ନ୍ଦନ, ବାଣପୁର ବ୍ଲକ ଅଧ୍ୟକ୍ଷ ଶ୍ରୀ ଅମରେନ୍ଦ୍ର ରଣସିଂହ,ନରେନ୍ଦ୍ରପୁର ଗ୍ରାମପଞ୍ଚାୟତ ର ସମିତିସଭ୍ୟ ଶ୍ରୀ କନ୍ଦର୍ପ ଜେନା ପ୍ରମୁଖ ଯୋଗଦେଇ ବାଣପୁର ବ୍ଲକ ଭାରତୀୟ ଜନତା ପାର୍ଟିର ସଂଗଠନ କୁ ସୁଦୃଢ଼ କରିବା ସହ ନିର୍ବାଚ଼ନ ବିଷୟରେ ପୁଙ୍ଖାନୁପୁଙ୍ଖ ଆଲୋଚ଼ନା କରିଥିଲେ।ଚ଼ିଲିକା ନିର୍ବାଚ଼ନ ମଣ୍ଡଳୀର ସାମଗ୍ରିକ ଓ ଅର୍ଥନୈତିକ ବିକାଶ ତଥା ବିକଶିତ ଚ଼ିଲିକା ଗଠନ କରିବା ଓ ମୋଦି ଜୀଙ୍କ ସଫଳ ଜନହିତକାରୀ ଯୋଜନାର ଲାଭ ଚ଼ିଲିକା ବାସୀ ପାଇବା ନିମନ୍ତେ ଭାଜପା ବିଧାୟକ ପ୍ରାର୍ଥୀ ଶ୍ରୀ ପୃଥ୍ୱୀରାଜ ହରିଚ଼ନ୍ଦନ ଓ ଯଶସ୍ବୀ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ଙ୍କ ହାତମୁଠାକୁ ଟାଣ କରିବା ଏବଂ ପୁରୀ ଲୋକସଭା କ୍ଷେତ୍ରର ବିକାଶ ପାଇଁ ଭାଜପା ସାଂସଦ ପ୍ରାର୍ଥୀ ଡ଼ାଃ ସମ୍ବିତ ପାତ୍ର ଙ୍କୁ ପଦ୍ମ ଫୁଲ ଚିହ୍ନରେ ବିପୁଳ ମାତ୍ରାରେ ଭୋଟ ଦେଇ ଜୟଯୁକ୍ତ କରିବାକୁ ପୂର୍ବତନ ବିଧାୟକ ଡ଼ାଃ ହରିଚ଼ନ୍ଦନ ମତବ୍ୟକ୍ତ କରିଥିଲେ।ଚ଼ିଲିକା ବାସୀ ଙ୍କ ସହ ମୁଁ ଥିଲି, ଅଛି ଏବଂ ଆଗାମୀ ଦିନରେ ରହିବି ଏବଂ ଚ଼ିଲିକା ନିର୍ବାଚ଼ନ ମଣ୍ଡଳୀର ସମସ୍ତ ଅଞ୍ଚଳ ର ବିକାଶ ଏବଂ ସମସ୍ତ ଜନସାଧାରଣଙ୍କ ସହ ସବୁ ସମୟରେ ଜଡ଼ିତ ରହିବି ବୋଲି ସଂକଳ୍ପ ନେଇଛନ୍ତି ,ଭାଜପା ବିଧାୟକ ପ୍ରାର୍ଥୀ ଶ୍ରୀ ହରିଚ଼ନ୍ଦନ କହିଥିଲେ।ଏହି ଅବସରରେ ବରିଷ୍ଠ ନେତା ଶ୍ରୀ ବିଜୟ ବିଶ୍ବାଳ ,ଶ୍ରୀ ରମେଶ ଚ଼ନ୍ଦ୍ର ସାମନ୍ତସିଂହାର, ବାଣପୁର ବ୍ଲକ ଉପାଧ୍ୟକ୍ଷାଙ୍କ ପ୍ରତିନିଧି ଶ୍ରୀ ମାଧବ ପ୍ରଧାନ,ବିରଜାଈ ମଣ୍ଡଳ ଭାଜପା ସଭାପତି ଶ୍ରୀ ଜିତେନ୍ଦ୍ର କୁମାର ଭୋଳ, ପୂର୍ବତନ ଜିଲ୍ଲା ପରିଷଦ ସଭ୍ୟ ଶ୍ରୀ ସତ୍ୟ ନାରାୟଣ ପାଲଟାସିଂହ,୧୪ ନଂ ଜୋନ୍ ଜିଲ୍ଲା ପରିଷଦ ସଭ୍ୟାଙ୍କ ପ୍ରତିନିଧି ଶ୍ରୀ ତପନ ପ୍ରଧାନ ଙ୍କ ସମେତ ବାଣପୁର ବ୍ଲକର ଦଳର ଛାମୁଆ କାର୍ଯ୍ୟକର୍ତ୍ତା ଯୋଗ ଦେଇଥିଲେ।
