ଗୁଣପୁର,ତା 02-01-2024ତାରିଖ ଦିନ ଗୁଣପୁରସ୍ଥ କାଳୀପୂଜା ମଣ୍ଡପ ଠାରେ ଉତ୍କଳ କରାଟେ ସ୍କୁଲର ପ୍ରଶିକ୍ଷଣ କେନ୍ଦ୍ର ଉଦଘାଟିତ ହୋଇ ଯାଇଛି । ଏହି ଉତ୍ସବରେ କାଳୀପୂଜା କମିଟି ସଭାପତି ତଥା ପ୍ରେସ କ୍ଲବ ଗୁଣପୁରର ସମ୍ପାଦକ ରାଧାକୃଷ୍ଣ ପଟ୍ଟନାୟକ ମୁଖ୍ୟ ଅତିଥି ରୂପେ ଯୋଗ ଦେଇ ପ୍ରଦୀପ ପ୍ରଜ୍ଵଳନ ପୂର୍ବକ ଉଦଘାଟନ କରିଥିଲେ । ଗୋବିନ୍ଦ ପ୍ରସାଦ ଖାଡଙ୍ଗା ଅତିଥି ଭାବେ ଯୋଗ ଦେଇଥିଲେ । ରାଜ୍ୟ ଉତ୍କଳ କରାଟେ ସ୍କୁଲ ଦ୍ୱାରା ଅନୁବନ୍ଧିତ ଗୁଣପୁର ଉତ୍କଳ କରାଟେ ସ୍କୁଲର ଏହା ଦ୍ଵତୀୟ ପ୍ରଶିକ୍ଷଣ କେନ୍ଦ୍ର । ତିନି ବର୍ଷରୁ ଉର୍ଦ୍ଧ ସମସ୍ତ ବର୍ଗର ଜନସାଧାରଣ ପ୍ରଶିକ୍ଷଣ ନେଇ ପାରିବେ । ପ୍ରତିଦିନ ଅପରାହ୍ନ 5ଘଟିକା ଠାରୁ ପ୍ରଶିକ୍ଷଣ ଦିଆଯିବ ବୋଲି କରାଟେ ସ୍କୁଲର ଅଧ୍ୟକ୍ଷ ତଥା ପ୍ରଶିକ୍ଷକ ଲବ ବାଉରୀ ସୂଚନା ଦେଇଛନ୍ତି । ଉଦଘାଟନୀ ଅବସରରେ ନୂତନ ଭାବେ 10ଜଣ ପ୍ରଶିକ୍ଷଣ ନେବା ପାଇଁ ଆବେଦନ କରିଥିଲେ । ଆତ୍ମରକ୍ଷା, ମନ୍ୟୁଷର ମାନସିକ ଓ ବୌଦ୍ଧିକ ସନ୍ତୁଳନ ରକ୍ଷା କରିବାରେ କରାଟେ ଶିକ୍ଷା ସମସ୍ତଙ୍କ ପାଇଁ ଅଵଶ୍ୟକ ବୋଲି ଆବାହକ ଅନନ୍ତ ପାତ୍ର କହିଥିଲେ । ଏହି ଉଦଘାଟନୀ ଉତ୍ସବରେ ଅନ୍ୟ ମାନଙ୍କ ମଧ୍ୟରେ ଜାତୀୟ ଭାରତୋଳନକାରୀ ପ୍ରଦୀପ ପଣ୍ଡା, କରାଟେ ସ୍କୁଲର କାର୍ଯ୍ୟକାରୀ ସଭାପତି ପି, ରାଜା ଉପଦେଷ୍ଟା ତ୍ରିନାଥ ବାଉରୀ, କୁନୁ, ରାଜେଶ ପୃଷ୍ଟି, ଏଲ, ସନ୍ତୋଷ ପୁରାତନ ସମସ୍ତ ଛାତ୍ର ଓ କାର୍ଯ୍ୟକର୍ତ୍ତା ପ୍ରମୁଖ ଉପସ୍ଥିତ ଥିଲେ ।
