ଓଡ଼ିଶା ସ୍ପେସିଆଲ୍ ଏଜୁକେଟର ଫେଡ଼େରସନ ଫର ଦିବ୍ୟାଙ୍ଗ ମୟୂରଭଞ୍ଜ ଶାଖା ପକ୍ଷରୁ ଭାରତ ଜ୍ୟୋତି ବିଦ୍ୟାଳୟ, ଉଦଳା ଠାରେ ଆନ୍ତର୍ଜାତୀୟ ଭିନ୍ନକ୍ଷମ ଦିବସ ପାଳନ କରାଯାଇଛି। ଦିବ୍ୟାଙ୍ଗ ବିଦ୍ୟାର୍ଥୀ ମାନଙ୍କୁ ସମାଜ ର ମୁଖ୍ୟ ସ୍ରୋତରେ ସାମିଲ କରିବା ଏହି ଦିବସ ର ମୂଳ ଲକ୍ଷ୍ୟ।ଦିବ୍ୟାଙ୍ଗ ବିଦ୍ୟାର୍ଥୀ ମାନଙ୍କୁ ଏକତ୍ରିତ କରି ତାଙ୍କ ସହ ଓଏସଇଏଫଡ଼ି ସଂଘ ର କାର୍ଯ୍ୟକର୍ତ୍ତା କିଛି ସମୟ ବିତାଇବା ଦ୍ବାରା ଦିବ୍ୟାଙ୍ଗ ବିଦ୍ୟାର୍ଥୀ ମାନେ ଖୁସି ପ୍ରକଟ କରିଥିଲେ।ଏହି ଦିବସ କୁ ଓଡ଼ିଶା ସରକାର ସମଗ୍ର ରାଜ୍ୟରେ ବହୁ ଆଡ଼ମ୍ବରରେ ପାଳନ କରୁଛନ୍ତି, କିନ୍ତୁ ଓଡ଼ିଶା ର ସମସ୍ତ ସାଧାରଣ ବିଦ୍ୟାଳୟ ରେ ଦିବ୍ୟାଙ୍ଗ ବିଦ୍ୟାର୍ଥୀ ମାନେ ଶିକ୍ଷା ଗ୍ରହଣ କରୁଥିଲେ ମଧ୍ୟ ତାଙ୍କ ପାଇଁ ସ୍ଥାୟୀ ସ୍ବତନ୍ତ୍ର ଶିକ୍ଷକ ନିଯୁକ୍ତି ଆଜି ପର୍ଯ୍ୟନ୍ତ ରାଜ୍ୟ ସରକାର କଲେ ନାହିଁ। ଏହି ସ୍ଥାୟୀ ସ୍ବତନ୍ତ୍ର ଶିକ୍ଷକ ନିଯୁକ୍ତି ପାଇଁ ମାନ୍ୟବର ସୁପ୍ରିମକୋର୍ଟ ଙ୍କ ନିର୍ଦ୍ଦେଶ ମଧ୍ୟ ରହିଛି, କିନ୍ତୁ ରାଜ୍ୟ ସରକାର ପାଳନ କରୁନାହାନ୍ତି। ଏହି ପରିପ୍ରେକ୍ଷୀରେ ଓଏସଇଏଫଡ଼ି ସଂଘ କ୍ଷୋଭ ପ୍ରକାଶ କରିବା ସହ ଖୁବଶୀଘ୍ର ନିଯୁକ୍ତି ର ବିଜ୍ଞାପନ ବାହାର କରିବା ପାଇଁ ସରକାରଙ୍କୁ ନିବେଦନ କରିଛି।ଶିକ୍ଷା ହେଉଛି ଏକ ଦିବ୍ୟାଲୋକ,ଅଜ୍ଞାନରୂପକ ଅନ୍ଧକାରକୁ ଦୂର କରେ। ଦିବ୍ୟାଙ୍ଗ ବିଦ୍ୟାର୍ଥୀ ମାନଙ୍କୁ ଉତ୍ତମ ଶିକ୍ଷା ଓ ପ୍ରଶିକ୍ଷଣ ଦେବା ଦ୍ଵାରା ସେହି ବିଦ୍ୟାର୍ଥୀ ମାନେ ସମାଜର ମୁଖ୍ୟ ସ୍ରୋତରେ ସାମିଲ ହୋଇପାରିବେ ବୋଲି ସଂଘ ର କର୍ମକର୍ତ୍ତା ମତ ପୋଷଣ କରିଥିଲେ।ଏହି ଦିବସ ପାଳନ ରେ ତାପସ ମଣ୍ଡଳ, ପ୍ରିୟବ୍ରତ ରାଉତ, କାମିନୀ ବେହେରା, ଭାଗ୍ୟଶ୍ରୀ ବାରିକ ଙ୍କ ସମେତ ଅନ୍ୟମାନେ ଉପସ୍ଥିତ ଥିଲେ।
