ବାଲିଗୁଡା,(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲା ବାଲିଗୁଡା ଉପଖଣ୍ଡ ଅନ୍ତର୍ଗତ ଦାରିଙ୍ଗବାଡ଼ିରେ ଖାଦ୍ୟର ମାନ ଯାଞ୍ଚ ସହ ପର୍ଯ୍ୟଟକଙ୍କ ସୁରକ୍ଷାକୁ ଦୃଷ୍ଟିରେ ରଖି ଥାନା ଅଧିକାରୀ ଆନନ୍ଦ ଚନ୍ଦ୍ର ପାତ୍ର, ତହସିଲଦାର ଶରତ ଶବର ଓ ବିଡ଼ିଓ ଗଦାଧର ପାତ୍ର ମିଳିତ ଚଢଉ କରିଥିଲେ । ଏହି ଚଢ଼ଉରେ ଜମି ପଟ୍ଟା, ଏନଓସି ସାର୍ଟିଫିକେଟ, ଖାଦ୍ୟ ସୁରକ୍ଷା ସାର୍ଟିଫିକେଟ, ଅଗ୍ନି ସୁରକ୍ଷା ସାର୍ଟିଫିକେଟ, ହୋଟେଲ ରେଜିଷ୍ଟ୍ର ଯାଞ୍ଚ ସହ ଅନ୍ୟାନ୍ୟ କାଗଜ ପତ୍ର ଯାଞ୍ଚ ହୋଇଥିଲା । ଖାଦ୍ୟ ଯାଞ୍ଚ ବେଳେ ଏକାଧିକ ଦିନର ରହିଥିବା ବାସି ଖାଦ୍ୟ ଫୋପାଡ଼ା ଯାଇଥିଲା । କାଗଜ ପତ୍ର ସଠିକ୍ ନଥିବା ଯୋଗୁଁ ୫ ଗୋଟି ହୋଟେଲ ଓ ଲର୍ଡଜରୁ ୨୭ ହଜାର ଜରିମାନା ଆଦାୟ ହୋଇଥିଲା । ଏଥି ସହିତ ହୋଟେଲରେ ଘରୋଇ ଗ୍ୟାସ ବ୍ୟବହାର କରାଯାଇଥିବା ଯୋଗୁଁ ୧୦ ଗୋଟି ଗ୍ୟାସ ହାଣ୍ଡି ଜବତ କରାଯାଇଥିଲା । ଚଢ଼ଉରେ ଦାରିଙ୍ଗବାଡି ରାଜସ୍ବ ନୀରିକ୍ଷକ ସୁବ୍ରତ ମଲ୍ଲିକ, ଯୋଗାଣ ଅଧିକାରୀ ନିହାର ରଞ୍ଜନ ବେହେରା, ଅଗ୍ନିସମ ହାବିଲଦାର ସତ୍ୟନାରାୟଣ ବେହେରା ସମେତ ପୋଲିସ ଫୋର୍ସ ସାମିଲ ଥିଲେ ।
