ବୀରମହାରାଜପୁର -(ଶାନ୍ତନୁ କୁମାର କର୍ଣ୍ଣ): ସୁବର୍ଣ୍ଣପୁର ଜିଲ୍ଲା ବିରାମହରାଜପୁର ବ୍ଲକ ଜଟେସିଂହା ପଞ୍ଚାୟତ ଅନ୍ତର୍ଗତ ବଡ଼ଖମାର ଗ୍ରାମରେ ସ୍ବେଛାସେବୀ ଅନୁଷ୍ଠାନ ଲାଲବାହାଦୁର ଯୁବକ ସଂଘର ବାର୍ଷିକ ଉତ୍ସବ ଗତକାଲି ସନ୍ଧ୍ୟାରେ ଅନୁଷ୍ଠିତ ହୋଇଯାଇଛି l ଏହି ଅବସରରେ କାର୍ଯ୍ୟକାରୀ ସଭାପତି ଆଶିଷ କୁମାର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ବିରାମହରାଜପୁର ପଞ୍ଚାୟତ ସମିତି ଅଧ୍ୟକ୍ଷା ଶାନ୍ତି ଲୁହା ମୁଖ୍ୟଅତିଥି , ମୁର୍ଷୁଣ୍ଢୀ ପଞ୍ଚାୟତ ସମିତି ସଭ୍ୟା ରିତା ଗରଡିଆ, ଯୁବକସଙ୍ଘ ପୂର୍ବତନ ସଭାପତି ଗଣପତି ପଣ୍ଡା, ପ୍ରଭାଞ୍ଜନ କର୍ମୀ ସମ୍ମାନିତ ଅତିଥି ମୀନକେତନ ମହାକୁର ମୁଖ୍ୟବକ୍ତା ଭାବରେ ଯୋଗଦେଇଥିବାବେଳେ ସଂଗଠନର ସମ୍ପାଦକ ଗଦାଧର ବାଦୀ ଓ କାର୍ଯ୍ୟକାରୀ ସଭାପତି ଆଶିଷ କୁମାର ସାହୁ ପ୍ରମୁଖ ମଞ୍ଚାସିନ ଥିଲେ lସମ୍ପାଦକ ଗଦାଧର ବାଦୀ ସଂଘର ବାର୍ଷିକ ବିବରଣୀ ପଠନ କରିଥିଲେ l ସମାଜରୁ ଅନ୍ଧବିଶ୍ୱାସ ଓ କୁସଂସ୍କାର ଦୂରୀକରଣ ସାଙ୍ଗକୁ ଦେଶରେ ଯୁବସମାଜର ଭୂମିକାକୁ ମଂଚାସୀନ ଅତିଥି ମାନେ ଗୁରୁତ୍ୱ ଆରୋପ କରିଥିଲେ l ଅଞ୍ଚଳ ର କୁନି କୁନି ଛାତ୍ର ଛାତ୍ରୀ ଓ଼ ବିରାମହରାଜପୁର ଭୀମଭୋଇ କଲାପରିଷଦର କଳାକାରମାନଙ୍କ ଦ୍ବାରା ବିଳମ୍ବିତ ରାତ୍ରି ପର୍ଯ୍ୟନ୍ତ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ ହୋଇଥିଲା l ଯୁବକ ସଂଘର ସମସ୍ତ ସଭ୍ୟମାନେ ସହଯୋଗ କରିଥିବାବେଳେ ବରିଷ୍ଠ ସଦସ୍ୟ ସଚ୍ଚିଦାନନ୍ଦ ମହାକୁର ମଞ୍ଚ ପରିଚାଳନା କରିଥିଲେ l ଶେଷରେ ସଂଗଠନର ଉପ ସଭାପତି ସଞ୍ଜିବ ସାହୁ ଧନ୍ୟବାଦ ଅର୍ପଣ କରିଥିଲେ।
