ବାଲିଗୁଡା,(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ବାଲିଗୁଡା ତଥା ଏହାର ଆଖପାଖ ଅଞ୍ଚଳରେ ବିଶ୍ଵକର୍ମାଙ୍କ ପୂଜା ମହୋତ୍ସବ ମହାସମାରୋହରେ ପାଳିତ ହୋଇଯାଇଛି l ସବୁ ପର୍ବପର୍ବାଣୀ ପରି ବିଶ୍ବକର୍ମା ପୂଜା ମଧ୍ୟ ପ୍ରାୟ ସବୁ ଶିଳ୍ପାନୁଷ୍ଠାନ ଗୁଡିକରେ ଯଥାରିତି ନୀତି ଅନୁସାରେ ପୂଜାର୍ଚ୍ଚନା ସହ ଧୂମଧାମରେ ପାଳିତ ହେଉଛି । ବିଶ୍ବକର୍ମାଙ୍କ ପୂଜାକୁ ନେଇ ସବୁଠି ଚଳଚଞ୍ଚଳ ଓ ଭକ୍ତ ଙ୍କ ମଧ୍ୟରେ ଉତ୍ସାହ ଦେଖାଯାଇଛି । ଏହି ପରିପ୍ରେକ୍ଷୀରେ ଟାଉନର ମା’ ପାଟଖଣ୍ଡା ଘରୋଇ ବସ ଚାଳକ ସଂଘ, ମା’ ବରାଳଦେବୀ ଟାକ୍ସି ଚାଳକ ସଂଘ, ମା ‘ପାଟଖଣ୍ଡା ଠିକାଦାର ସଂଘ, ପୂର୍ତ୍ତ ବିଭାଗ, ଆଇଟିଡିଏ ଅଫିସ, ପିଏଚଡି ଅଫିସ, ବଢ଼େଇ, ନିର୍ମାତା ଓ ଏହାଛଡା ବିଭିନ୍ନ ଶିଳ୍ପାଞ୍ଚଳ, ଗ୍ୟାରେଜ, ଦୋକାନ ବିଭିନ୍ନ କାରିଗରୀ କୌଶଳି ଅନୁଷ୍ଠାନଠାରୁ ଆରମ୍ଭକରି ବିଭିନ୍ନ ସଂଗଠନ ମଧ୍ୟ ନିଜ ନିଜ ଅନୁଷ୍ଠାନରେ ବିଶ୍ଵକର୍ମାଙ୍କୁ ଏ ଅବସରରେ ପୂଜା କରିଥିଲେ । ନିର୍ମାଣ କାର୍ଯ୍ୟରେ ବ୍ୟବହୃତ ବିଭିନ୍ନ ଯନ୍ତ୍ରପାତିକୁ ଶୁଦ୍ଧପୁତ କରି ପୂଜା କରାଯାଇଥିଲା l ସମସ୍ତ ପୂଜା କମିଟି ପକ୍ଷରୁ ସନ୍ଧ୍ୟାରେ ମଣ୍ଡପ ଗୁଡିକ ଆଲୋକ ମାଳାରେ ଝଲସି ଉଠିବା ସହ ବିଭିନ୍ନ ପ୍ରକାର ସାଂସ୍କୃତିକ କାର୍ଯ୍ୟକ୍ରମ ଆୟୋଜନ ହୋଇଥିଲା । ପରିସ୍ଥିତିକୁ ଦୃଷ୍ଟିରେ ରଖି ବାଲିଗୁଡା ପୋଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।
