ଢେଙ୍କାନାଳ ତା, ୧୮/୦୮(ଶୁଭମ ପାଣି) –ଆଜି ସାରା ଭାରତ ବର୍ଷରେ ପୂର୍ବତନ ପ୍ରଧାନ ମନ୍ତ୍ରୀ ରାଜୀବ ଗାନ୍ଧୀଙ୍କ ଜନ୍ମ ଦିବସ ଉପଲକ୍ଷେ ସଦଭାବନା ଦିବସ ପାଳିତ ହେଉଅଛି । ଏହି ଅବସରରେ ଆଜି ଜିଲ୍ଲା କାର୍ଯ୍ୟାଳୟର ସଦଭାବନା ସଭାଗୃହଠାରେ ସଦଭାବନା ଦିବସ ପାଳିତ ହୋଇଯାଇଛି । ଏହି ଅବସରରେ ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀ ଜିଲ୍ଲା କାର୍ଯ୍ୟାଳୟର ସମସ୍ତ ଅଧିକାରୀମାନଙ୍କୁ ସଦଭାବନା ଶପଥ ପାଠ କରାଇଥିଲେ । ଜାତି, ଧର୍ମ, ସମ୍ପ୍ରଦାୟ ଓ ଭାଷା ଭେଦଭାବ ବିନା ସମସ୍ତ ଭାରତବାସୀଙ୍କ ଏକତା ଓ ସଦଭାବନା ପାଇଁ କାର୍ଯ୍ୟ କରିବି । ମୁଁ କୌଣସି ହିଂସା ଆଚରଣ ନ କରି ସମସ୍ତ ପ୍ରକାର ମତଭେଦକୁ ମତ ବିନିମୟ ଓ ସାମ୍ବିଧାନିକ ପ୍ରକ୍ରିୟା କ୍ରମେ ସମାଧାନ କରିବି ବୋଲି ଉପସ୍ଥିତ ସମସ୍ତ ଅଧିକାରୀ ଓ କର୍ମଚାରୀମାନେ ଶପଥ ନେଇଥିଲେ। ସୂଚନା ଯୋଗ୍ୟ, ଆସନ୍ତା ଅଗଷ୍ଟ ୨୦ ତାରିଖ ଦିନ ପୂର୍ବତନ ପ୍ରଧାନ ମନ୍ତ୍ରୀ ରାଜୀବ ଗାନ୍ଧୀଙ୍କ ଜନ୍ମ ତିଥ୍ ଦିନ ସରକାରୀ ଛୁଟି ଥିବାରୁ ସରକାରଙ୍କ ନିର୍ଦ୍ଦେଶ କ୍ରମେ ଏହି ସଦଭାବନା ଦିବସକୁ ଆଜି
ପାଳନ କରାଯାଇଛି ।
