ଜୟପାଟଣା (ମଳୟ କୁମାର ସାହୁ) :-କଳାହାଣ୍ଡି ଜିଲ୍ଲା ଜୟପାଟଣା ଥାନା ପାବଳୀ ଗ୍ରାମର ଘେନୁମୁଣ୍ଡା ବଡ଼ବନ୍ଧ ନିକଟରେ ଥିବା ପିଜୁଳି ତୋଟା ଚାଷ ଜମି ହୁଡାରେ ଏକ ମୃତ ଦେହ ପଡିଥିବା ଦେଖିବାକୁ ମିଳିଛି। ମୃତକ ହେଲେ ପାବଳୀ ଗ୍ରାମର ଗୋକୁକ ମାଝୀ (୫୦)।କେଉଁ କାରଣରୁ ମୃତ୍ୟୁ ହୋଇଛି ତାହା ଜଣାପଡି ନାହିଁ। ମୃତ ଦେହ ପାଖରେ ଏକ ଟାଙ୍କିଆ, ରପା, ବାଉଁଶଠେଙ୍ଗା, ଲାଲ ରଙ୍ଗର ଗାମୁଛା ଓ ମଦ ଜରି ପଡି ରହିଛି। ଖବର ପାଇ ଘଟଣା ସ୍ଥଳରେ ଜୟପାଟଣା ଥାନା ଅଧୂକାରୀ ବାସୁଦେବ ଛତ୍ରୀଆ ସହ ଟିମ ଏଏସଆଇ ତ୍ରିସେନ୍ଦ୍ର ପାତ୍ର, କନେଷ୍ଟବଳ ପରମେଶ୍ବର ଛତ୍ରିଆ, ଗୌତମ, ଅଗୁପାତ୍ର,ପବିତ୍ର ମୋହନ ନାଏକ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ପ୍ରାଥମିକ ତଦନ୍ତରୁ ସେ ଗତକାଲି ଜମି ହୁଡା ର ଘାସ ସଫା କରିବା ପାଇଁ ଯାଇଥିଲେ କିନ୍ତୁ କେଉଁ କାରଣରୁ ତାଙ୍କର ସେଠାରେ ମୃତ୍ୟୁ ହୋଇଛି ତାହା ଅସୃଷ୍ଟ ରହିଛି। ଶବ ବ୍ୟବଚ୍ଛେଦ ରିପୋର୍ଟ ଆସିଲେ ମୃତ୍ୟୁ ର କାରଣ ଜଣାପଡିବ ବୋଲି ପୋଲିସ ପକ୍ଷରୁ କୁହାଯାଇଛି ।
