ଜୟପାଟଣା/ ମୁଖୀଗୁଡ଼ା(ଅରୁଣ କୁମାର ସାହୁ):-କଳାହାଣ୍ଡି ଜିଲ୍ଲା ଜୟପାଟଣା ଥାନା ପ୍ରତାପପୁର ଗ୍ରାମପଞ୍ଚାୟତ କଲୋନୀ ପଡାର ବିବାହିତ ମହିଳା ସ୍ୱାଗତି ରାଉତ(୩୧) ଙ୍କ ମୃତ ଦେହ ଏକ ପାଣି ନଳା ରୁ ସନ୍ଦେହଜନକ ଭାବେ ଉଦ୍ଧାର ହୋଇଛି।ସୂଚନା ଅନୁଯାୟୀ ସ୍ୱାଗତି ଓ ତାଙ୍କ ସ୍ୱାମୀ ବିରେନ୍ଦ୍ର ଗତକାଲି ଦିନ ୧୦ ସମୟରେ ମାଛ ଧରିବା ପାଇଁ ଏକ ନଳା କୁ ଯାଇଥିଲେ।କିନ୍ତୁ ସନ୍ଧ୍ୟା ହୋଇଯାଇଥିଲେ ମଧ୍ୟ ସ୍ୱାଗତି ଘରକୁ ଫେରି ନଥିବା ବେଳେ ବିରେନ୍ଦ୍ର ଙ୍କୁ ସନ୍ଧ୍ୟାରେ ଜୟପାଟଣା ମଦ ଭାଟିରେ ମଦ ପିଉଥିବା ଲୋକେ ଦେଖିଥିବା ଜଣାପଡିଛି।ଏ ପଟେ ସ୍ୱାଗତି ଙ୍କ ଶାଶୁ ଲକ୍ଷ୍ମୀ ସ୍ୱାଗତିଙ୍କୁ ସନ୍ଧ୍ୟା ପର୍ଯ୍ୟନ୍ତ ନଫେରିବା ପରେ ଖୋଜାଖୋଜି କରିଥିଲେ କିନ୍ତୁ ତାଙ୍କର କୋଣସି ଖବର ମିଳିନଥିଲା।ଆଜି ସକାଳେ ଉକ୍ତ ନାଳ ରେ ସ୍ୱାଗତି ଙ୍କ ଶବ ଭାସୁଥିବା ଦେଖିବାକୁ ମିଳିଥିଲା।ଗାଁ ଲୋକେ ଶବ ଉଦ୍ଧାର କରିବା ସହ ପୋଲିସ କୁ ଖବର ଦେଇଥିଲେ।ସ୍ୱାଗତି ଓ ବିରେନ୍ଦ୍ର ଗତ ୧୦ ବର୍ଷ ତଳେ ବିବାହ କରିଥିବା ବେଳେ ତାଙ୍କର ୧୧ବର୍ଷୀୟ ପୁଅ ଟିଏ ଅଛି।ଏହା ହତ୍ୟା ନା ଆତ୍ମହତ୍ୟା ତାହା ସନ୍ଦେହ ଘେରରେ ରହିଛି।ଘଟଣା ସ୍ଥଳରେ ଜୟପାଟଣା ପୋଲିସ ପହଂଚି ତଦନ୍ତ ଆରମ୍ଭ କରିଛି !
