ଢେଙ୍କାନାଳ, ୨୪/୪: ଢେଙ୍କାନାଳ ଜିଲ୍ଲାର ଅବସରପ୍ରାପ୍ତ ଉଚ୍ଚ ବିଦ୍ୟାଳୟ ଶିକ୍ଷକମାନେ ଅନ୍ୟ ସୋମବାର ଜିଲ୍ଲାପାଳଙ୍କ ଅଭିଯୋଗ ପ୍ରକୋଷ୍ଠରେ ସେମାନଙ୍କର ୩୦ ବର୍ଷିୟା ଏମ୍ସିପି ପାଇବା ପାଇଁ ଜିଲ୍ଲାପାଳଙ୍କ ନିକଟରେ ଅନୁରୋଧ କରିଛନ୍ତି । ସେମାନଙ୍କ ପାଖରେ ମାନ୍ୟବର ହାଇକୋର୍ଟଙ୍କର ସ୍ପଷ୍ଟ ନିର୍ଦ୍ଦେଶ ତଥା ମାଧ୍ୟମିକ ଶିକ୍ଷା ନିର୍ଦ୍ଦେଶକଙ୍କର ଆଦେଶନାମା ଥିଲେ ମଧ୍ୟ ଢେଙ୍କାନାଳ ଜିଲ୍ଲା ଶିକ୍ଷାଧିକାରୀ ଏସ୍ଏସିପି ପ୍ରଦାନ ନକରି ଅହେତୁକ ବିଳମ୍ବ କରୁଅଛନ୍ତି । ଯାଜପୁର, ବାଲେଶ୍ଵର ଇତ୍ୟାଦି ଜିଲ୍ଲାର ଶିକ୍ଷାଧୁକାରୀମାନେ ଏମ୍ସିପି ପ୍ରଦାନ କରିଥିଲେ ସୁଦ୍ଧା ଢେଙ୍କାନାଳ ଜିଲ୍ଲା ଶିକ୍ଷା ଅଧିକାରୀ ମହୋଦୟା ମନମାନି କରି ଆଦେଶକୁ ଗ୍ରହଣ କରୁନାହାଁନ୍ତି । ଅଭିଯୋଗର ତୁରନ୍ତ ପଦକ୍ଷେପ ନିଆଯିବ ବୋଲି ଉତରରେ ଜିଲ୍ଲାପାଳ ସରୋଜ କୁମାର ସେଠୀ ପ୍ରକାଶ କରିଥିଲେ । ଏହି ଦାବୀପତ୍ର ପ୍ରଦାନ ବେଳେ ବେଣୁଧର ଶତପଥୀ, ଦୁର୍ଯ୍ୟୋଧନ ହୋତା, ଜଗବନ୍ଧୁ ଶତପଥୀ, ନରୋତମ ନାଥ, ମନୋଜ କୁମାର ନାଥ, ଗିରିଶ ଚନ୍ଦ୍ର ବେହେରା, ବିଭୁତି ମିଶ୍ର, କୃତିବାସ ସାଇଁ, ଅକ୍ଷୟ କୁମାର ପତି ଓ ଅରବିନ୍ଦ ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ ।
