ଖଲ୍ଲିକୋଟ: (ସୁଶୀଲ କୁମାର ଲେଙ୍କା )ଶୁକ୍ରବାର ଦିନ ଖଲ୍ଲିକୋଟ ବ୍ଲକ ଅନ୍ତର୍ଗତ ତୁଳସୀପୁର ପଞ୍ଚାୟତ ଅଫିସ ପରିସରରେ ପଞ୍ଚାୟତ ସ୍ତରୀୟ ସମବାୟ ବ୍ୟାଙ୍କିଙ୍ଗ ସେବା ଓ ଋଣ କର୍ମଶାଳା ଅନୁଷ୍ଠିତ ହୋଇଯାଇଛି l ଆୟୋଜିତ କର୍ମଶାଳାରେ ବି ସି ସି ବ୍ୟାଙ୍କ ଶାଖା ପରିଚାଳକ ରବୀନ୍ଦ୍ର କୁମାର ସାହୁ ବି ସି ସି ବ୍ୟାଙ୍କ ସୁପରଭାଇଯର ପବିତ୍ର ମୋହନ ପଲେଇ,ଖଲ୍ଲିକୋଟ ବି ସି ସି ବ୍ୟାଙ୍କ ଡାଇରେକ୍ଟ ରାମ ମୋହନ ପଣ୍ଡା ବ୍ଲକ ଅଧକ୍ଷ ଦୈତାରୀ ବେହେରା, ସାଂସଦ ପ୍ରତିନିଧି ରତ୍ନାକର ସାହୁ ତୁଳସୀପୁର ସେଵା ସମବାୟ ସମିତି ସଭାପତି ବିଶ୍ଵନାଥ ପାହନ ସମ୍ପାଦକ ଜଗନ୍ନାଥ ଗୌ, ସରପଞ୍ଚ ଶିକାରୀ ପାଣ୍ଡି , ତୁଳସୀପୁର ପଞ୍ଚାୟତ ସମିତିସଭ୍ୟ ଟିଲୁ ପ୍ରଧାନ, ବି ସି ସି ବ୍ୟାଙ୍କ ପୂର୍ବତନ ଶାଖା ପରିଚାଳକ ଦୁର୍ଗା ପ୍ରସାଦ ରାଉଳ ଏବଂ ଅରୁଣ କୁମାର ଗୌଡ ପ୍ରମୁଖ ଯୋଗଦେଇ ସମବାୟ ବ୍ୟାଙ୍କ ଋଣ ଓ ବ୍ୟାଙ୍କିଙ୍ଗ ସେବା ବିଷୟରେ ସମସ୍ତଙ୍କୁ ଅବଗତ କରିଥିଲେ ଚାଷୀ ମାନଙ୍କୁ ସମସ୍ତ ସୁବିଧା ମିଳିବା ସହ ଜମି ଥିବା ଚାଷୀ କୁ ଜମି ପରିମାଣ ହିସାବରେ ଋଣ ଦେବା ସହ ଏକଲକ୍ଷ ଟଙ୍କା ପର୍ଯ୍ୟନ୍ତ ସୁଧମୁକ୍ତ ଋଣ ମିଳିବା ଏବଂ ଜମି ନଥିବା ଚାଷୀ ମାନଙ୍କୁ ଭାଗ ଚାଷୀ ମାଧ୍ୟମରେ ଋଣ ,ଅନ୍ୟାନ୍ୟ ଚାଷୀ ମାନଙ୍କୁ ଶତକଡା ୨ ଟଙ୍କା ସୁଧରେ ଋଣ ସୁବିଧା ଥିବା ପ୍ରକାଶ କରିଥିଲେ l କର୍ମଶାଳା ରେ ୩୦୦ ରୁ ଉର୍ଦ୍ଧ ପୁରୁଷ ଓ ମହିଳା ଚାଷୀ ମାନେ ଅଂଶ ଗ୍ରହଣ କରିଥିଲେ l
