କାଶୀପୁର,୨୪/୦୧(ପ୍ରଫୁଲ୍ଲ କୁମାର ବେହେରା): କାଶୀପୁର ଥାନା ଅନ୍ତର୍ଗତ ତଳ ମାଣ୍ଡିଝୋଲା ଗାଁ ନିକଟ ଗଡାଣି ରେ ଏକ ଟ୍ରାକ୍ଟର ଦୁର୍ଘଟଣା ହେଇଯାଇଛି । ଘଟଣା ରେ ଜଣେ ଟ୍ରାକ୍ଟଟର ଚାଳକ ଙ୍କର ମୃତ୍ୟୁ ହେଇଯାଇଥିବା ଜଣାପଡିଛି । ସୂଚନା ପ୍ରକାରେ ମୃତ ଚାଳକ ହେଲେ କାଶୀପୁର ସଦର ମହକୁମା ଗୌଡ଼ସାହି ର ବୈକୁଣ୍ଠ ଗୋପାଳ (ସାନ ବାବୁ) ବୋଲି ଜଣାପଡିଛି । ଆଜି ଦ୍ବୀପହର ସମୟରେ ସେ ଜଣେ ରାସ୍ତା ଠିକାଦାର ଙ୍କର କାମ ପାଇଁ ଟ୍ରାକ୍ଟର ଯୋଗେ ମେଟେଲ ବୋଝେଇ ଉପର-ମାଣ୍ଡିଝୋଲା ଠାରୁ ତଳମାଣ୍ଡି ଝୋଲା ଅଭିମୁଖେ କେବଳ ଜଣେ ବାହାରିଥିଲେ । ସେ କାମ ସାଇଡ ପହଁଚିବା ପୂର୍ବରୁ ଏକ ଗଡାଣି ହେଇ ଯିବାକୁ ପଡିଥିଲା । ଗଡାଣି ରେ କୌଣସି କାରଣରୁ ସେ ଟ୍ରାକ୍ଟର ର ନିୟନ୍ତ୍ରଣ ହରାଇ ମେଟାଲ ବୋଝେଇ ଟ୍ରାକ୍ଟର ସହିତ ରାସ୍ତା କଡରେ ଓଲଟି ପଡିଯାଇ ଥିବାବେଳେ ସେଠାରେ ତାଙ୍କର ମୃତ୍ୟୁ ହୋଇଥିଲା । ବର୍ତ୍ତମାନ ଘଟଣା କୁ ନେଇ ଅଞ୍ଚଳରେ ସକାକୁଳ ପରିସ୍ଥିତି ସୃଷ୍ଟି ହେଇଯାଇଛି । ହେଲେ ମୃତ ସାନ ବାବୁ ଦୀର୍ଘ ୨୦ ବର୍ଷ ରୁ ଉର୍ଦ୍ଧ୍ୱ ହେବ କାଶୀପୁର ସ୍ଥିତ ଜଣେ ମାଲିକଙ୍କ ନିକଟରେ ବିଶ୍ୱସ୍ତତା ର ସହିତ ରହି ସେ ଟ୍ରାକ୍ଟଟର ଚଳାଇ ସ୍ତ୍ରୀ ସମେତ ୩ ଜଣ ଛୁଆ ଥିବା ପରିବାର ର ଭରଣ ପୋଷଣ କରିଆସୁଥିଲେ । ବର୍ତ୍ତମାନ ମୃତକଙ୍କ ପରିବାର ପ୍ରତି କ୍ଷତି ପୁରଣ ଦାବିରେ କାଶୀପୁର ଥାନା ଆଗରେ ମୃତ ଦେହକୁ ରଖି ସକାକୁଳ ପରିବାର ସମେତ ଅଞ୍ଚଳ ବାସୀ ବିଖ୍ୟାଭ ପ୍ରଦର୍ଶନ କରିଥିବା ଦେଖିବାକୁ ମିଳିଛି ।
