ଢ଼େଙ୍କାନାଳ,(ଶୁଭମ ପାଣି): ଢ଼େଙ୍କାନାଳ ଭାଗିରଥି ସାଗର କୂଳରେ ୪୦ତମ ବୋଇତ ବନ୍ଦାଣ ସନ୍ଧ୍ୟା ତାରା ସାହିତ୍ୟ ସଂସଦ ପକ୍ଷରୁ ପାଳିତ ହୋଇଯାଇଛି। ମୁଖ୍ୟ ଅତିଥି ଭାବେ ମାନ୍ୟବର ଲୋକସଭା ସାଂସଦ ଢେ଼ଙ୍କାନାଳ ଶ୍ରୀଯୁକ୍ତ ମହେଶ ସାହୁ , ସମ୍ମାନିତ ଅତିଥି ଶ୍ରୀମତୀ ଜୟନ୍ତୀ ପାତ୍ର ପୌର ଅଧ୍ୟକ୍ଷା ଢେ଼ଙ୍କାନାଳ ଯୋଗ ଦେଇଥିଲେ। ଅତିଥିଙ୍କୁ ଫୁଲତୋଡ଼ା ଓ ବ୍ୟାଚ୍ ପ୍ରଦାନ କରାଯାଇଥିଲା। କୁନି କୁନି ପିଲା ମାନେ ସାଧବ ପୁଅ ଓ ସାଧବ ବୋହୂ ବେଶ ହୋଇଥିଲେ। ବୋଇତ ବନ୍ଦାଣ ଏକ ଗୀତି ନୃତ୍ୟ ପରିବେଷଣ କରାଯାଇଥିଲା ଓ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଡଙ୍ଗା କୁ ପୂଜା କରାଯାଇ ଓ ସାଧବ ବୋହୂ ମନେ ସାଧବ ପୁଅ ଙ୍କୁ ବନ୍ଦାପନା କରିବା ପରେ ସାଧବ ପୁଅ ମାନେ ବଣିଜ କରିବାକୁ ଯାଇଥିଲେ। ସାଧବ ପୁଅ ଓ ବୋହୂ ବେଶ ହୋଇଥିବା କୃତି ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା। ଏଥରେ ପୋଲିସ୍ ପ୍ରଶାସନ ଓ ଅଗ୍ନିଶମ ବାହିନୀ ଉପସ୍ଥିତ ଥିଲେ ଓ ସନ୍ଧ୍ୟା ତାରା ସାହିତ୍ୟ ସଂସଦ ର ସମସ୍ତ କର୍ମକର୍ତ୍ତାଙ୍କ ଉପସ୍ଥିତିରେ ଏହି ୪୦ ତମ ବୋଇତ ବନ୍ଦାଣ ଉତ୍ସବ ଟି ସମ୍ପନ୍ନ କରାଯାଇଥିଲା
