ରାଜଗାଙ୍ଗପୁର:(ମନୋଜ ଭୋଳ)-ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ସହର ରେ ଆଜି ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ରାଜଗାଙ୍ଗପୁର ସହର ର ରେଲୱେ ଷ୍ଟେସନ ରେ ଅସାବଧାନତା କାରଣରୁ ଟ୍ରେନ ରୁ ପଡି ଜଣେ ଯୁବକ ଗୁରୁତର ହୋଇ ଥିବା ଜଣାପଡିଛି । ଆଜି ପ୍ରାୟ ୧୦.୩୦ ଘଟିକା ସମୟରେ ଉତ୍କଳ ଏକ୍ସପ୍ରେସ ଟ୍ରେନ ରେ ଝାରସୁଗୁଡା ଯିବା ପାଇଁ ସ୍ଥାନୀୟ ଷ୍ଟେସନ ପଡା ର ବାସିନ୍ଦା ଅମୀତ କୁମାର ଟ୍ରେନ ରେ ଚଢୁଥିବା ସମୟରେ ଅସାବଧାନତା କାରଣରୁ ପଡି ଗୁରୁତର ଭାବେ ଆହତ ହୋଇଛନ୍ତି । ତାଙ୍କୁ ରେଳବାଇ ପୁଲିସ ପକ୍ଷରୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ରାଜଗାଙ୍ଗପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ନିଆଯାଇଥିଲା। ସେଠାରେ ତାଙ୍କର ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ଅଧିକ ଚିକିତ୍ସା ନିମନ୍ତେ ରାଉରକେଲା ସରକାରୀ ଚିକିତ୍ସାଳୟ କୁ ସ୍ଥାନାନ୍ତରିତ କରାଯାଇ ଥିବା ଜଣା ପଡ଼ିଛି ।
