ରାୟଗଡା,୧୩/୦୮(ପ୍ରଫୁଲ୍ଲ କୁମାର ବେହେରା) : ରାୟଗଡା ଜିଲ୍ଲା ବିଷମକଟକ ମା ମାର୍କମା +୩ ମହାବିଦ୍ୟାଳୟର ଛାତ୍ରଛାତ୍ରୀମାନଙ୍କୁ ନେଇ ହର ଘର ତ୍ରିରଙ୍ଗା କାର୍ଯ୍ୟକ୍ରମର ଆୟୋଜନ କରାଯାଇଥିଲା।ଏହି କାର୍ଯ୍ୟକ୍ରମରେ (NCC) ଅଫିସର ତଥା ଅଧକ୍ଷ କ୍ୟାପଟେନ୍ ବି, ରବିଶଙ୍କର ସଭାପତିତ୍ୱ କରିଥିଲେ।ଏହି କାର୍ଯ୍ୟକ୍ରମରେ ପୂର୍ବତନ ସେନାନି ଗିରିଷ କୁମାର ଯୋଗ ଦେଇଥିଲେ।ସେ କେଡ଼େଟ ଓ ଛାତ୍ରଛାତ୍ରୀ ମାନଙ୍କୁ ସେନାରେ ଯୋଗ ଦେବାପାଇଁ ଉଛାହିତ କରିଥିଲେ।ଏହି କାର୍ଯ୍ୟକ୍ରମ ରେ ସମସ୍ତ ଅଧ୍ୟାପକ, ଅଧ୍ୟାପିକା ତଥା କଳା ଓ ବିଜ୍ଞାନ ସ୍ରୋତର ଛାତ୍ରଛାତ୍ରୀ ଯୋଗ ଦେଇଥିଲେ।ପରିଶେଷରେ ଜାତୀୟ ସଙ୍ଗୀତ ଗାନ କରାଯାଇଥିଲା ଓ ପ୍ରତ୍ୟେକ ଘରେ ଜାତୀୟ ପତାକା ଉତ୍ତୋଳନ କରିବାକୁ ପରାମର୍ଶ ଦିଆଯାଇଥିଲା।NCC କେଡ଼େଟ ମାନେ ଇନ୍ଦିରା କଲୋନୀ, ଭୁବନୀ କଲୋନୀ ଓ ହନୁମାନ ନଗର ବୁଲି ତ୍ରିରଙ୍ଗା ପତାକା ବଣ୍ଟନ କରିଥିଲେ।
