କାଶୀପୁର,୩/୮(ପ୍ରଫୁଲ୍ଲ କୁମାର ବେହେରା): ରାୟଗଡ଼ା ଜିଲ୍ଲା କାଶୀପୁର ବ୍ଲକ କାଶୀପୁର ଓଡ଼ିଶା ଆଦର୍ଶ ବିଦ୍ୟାଳୟରେ ଭାରପ୍ରାପ୍ତ ଅଧ୍ୟକ୍ଷ ମନରଞ୍ଜନ ଢଳଙ୍କ ପରିଚାଳନାରେ ବନ ମହୋତ୍ସବ ଦିବସ ଅବସରରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ମୁଖ୍ୟ ଅତିଥି ଭାବରେ କାଶୀପୁର ଗୋଷ୍ଠୀ ଉନ୍ନୟନ ଅଧିକାରି ଦେବାଶିଷ କର, ସମ୍ମାନୀତ ଅତିଥି ଭାବରେ ବନବିଭାଗ କର୍ମଚାରି ଏବଂ କୃଷି ବିଭାଗ କର୍ମଚାରି ପ୍ରମୁଖ ଉପସ୍ଥିତ ରହି ଆଦର୍ଶ ବିଦ୍ୟାଳୟ ପରିସରରେ ବୃକ୍ଷରୋପଣ କରିଛନ୍ତି। ବିଦ୍ୟାଳୟର ଛାତ୍ରଛାତ୍ରୀଙ୍କ ସହିତ ଶିକ୍ଷକ ଶିକ୍ଷୟିତ୍ରୀମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ଅତିଥିମାନେ ବିଦ୍ୟାର୍ଥିଙ୍କ ହାତରେ ଚାରାଟିଏ ଧରାଇଦେଇ ବୃକ୍ଷରୋପଣ ଓ ତାର ଯତ୍ନ ପ୍ରତି ଗୁରୁଦାୟିତ୍ୱ ବହନ କରିବା ପାଇଁ ପରାମର୍ଶ ଦେଇଛନ୍ତି।
