କନ୍ଧମାଳ,(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ବନ୍ଧଗଡ଼ ଗାଁରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି l ପାଣି ଆଣିବାକୁ ଘରୁ ଯାଇଥିଲେ। କିନ୍ତୁ ଦୀର୍ଘ ସମୟ ଧରି ଘରକୁ ଫେରିଲେନି। ବହୁ ଖୋଜାଖୋଜି କରିବା ପରେ ଆମ୍ବ ଗଛରୁ ଝୁଲନ୍ତା ଅବସ୍ଥାରେ ମହିଳାଙ୍କ ମୃତଦେହ ଉଦ୍ଧାର ହୋଇଛି। l ମୃତ ମହିଳା ଜଣଙ୍କ ହେଲେ ସରିତା ଦେହୁରୀ। ଘଟଣାରୁ ପ୍ରକାଶ ଯେ, କନ୍ଧମାଳ ଜିଲ୍ଲା ବାଲିଗୁଡା ଥାନା ବାରଖମା ଫାଣ୍ଡି ଅନ୍ତର୍ଗତ ଯାର୍ଗୀଭଟା ଗାଁ ର ସରିତା ୫ ମାସ ତଳେ ବନ୍ଧଗଡ଼ ଗାଁ ର ଦିନେଶ ଦେହୁରୀଙ୍କୁ ବିବାହ କରିଥିଲେ। ମଙ୍ଗଳବାର ସକାଳେ ସରିତା ଘରକାମ ସାରି ପାଣି ଆଣିବାକୁ ଆସିଥିଲେ। କିନ୍ତୁ ଆଉ ଘରକୁ ଫେରି ନଥିଲେ । ଘର ଲୋକ ଖୋଜାଖୋଜି କରିଥିଲେ। ଗାଁ ନିକଟରେ ଥିବା ଏକ ଆମ୍ବଗଛରେ ମୃତଦେହ ଝୁଲୁଥିବା ଦେଖି ପରିବାର ଲୋକ ପୋଲିସକୁ ଖବର ଦେଇଥିଲେ । ଆତ୍ମହତ୍ୟାର କାରଣ ଅସ୍ପଷ୍ଟ ରହି ଥିବା ବେଳେ ଫିରିଙ୍ଗିଆ ଥାନା ଅଧିକାରୀ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ତଦନ୍ତ ଜାରି ରଖିଛନ୍ତି ।
