ରାୟଗଡ,୨୮/୦୭(ସିଦ୍ଧାର୍ଥ ଦାସ)- ରାୟଗଡ ଜିଲ୍ଲା ଗୁଣୁପୁର ସଦର ମହକୁମା ସ୍ଥିତ ସ୍ଥାନୀୟ ବଂଶଧାରା ଆବାସିକ ବିଦ୍ୟାଳୟର ଉଲ୍ଲେଖନୀୟ ସଫଳତା ହାସଲ କରିଛନ୍ତି। ବିଦ୍ୟାଳୟର ଛାତ୍ର ଓ ଛାତ୍ରୀ, ପରିଚାଳନା କମିଟି, ଅଧ୍ୟାପକ, ଅଧ୍ୟାପିକାଙ୍କ ଅକ୍ଲାନ୍ତ ପରିଶ୍ରମ ଓ ଅଭିଭାବକଙ୍କ ସହଯୋଗରେ ଆଜିର ଏହି ସଫଳତା ହୋଇପାରିଛି ବୋଲି ଅନୁଷ୍ଠାନର ସଭାପତି ଲକ୍ଷ୍ମୀ ନାରାୟଣ ମହାଙ୍କୁଡ ପ୍ରକାଶ କରିଛନ୍ତି । ବିଦ୍ୟାଳୟର ଜି ସାଇ ଶ୍ରୀ ସୁବୁଦ୍ଧି ସର୍ବାଧିକ (570/600) ୯୫% ପ୍ରତିଶତ ମାର୍କ ରଖି ଅବିଭକ୍ତ କୋରାପୁଟ ଜିଲ୍ଲାରେ ପ୍ରଥମ ସ୍ଥାନ ଅଧିକାର କରିଛନ୍ତି I ଅନୁଷ୍ଠାନର 63 ଜଣ ଛାତ୍ରଛାତ୍ରୀଙ୍କ ମଧ୍ୟରୁ 60 ଜଣ ପ୍ରଥମ ସ୍ଥାନ ଏବଂ 3 ଜଣ ଦ୍ବିତୀୟ ସ୍ଥାନ ଅଧିକାର କରିଛନ୍ତି l ସମୁଦାୟ 63 ଜଣ ଛାତ୍ର ଛାତ୍ରୀଙ୍କ ମଧ୍ୟରୁ 14 ଜଣ ଛାତ୍ର ଛାତ୍ରୀ 500 ରୁ ଉର୍ଦ୍ଧ ମାର୍କ ରଖି ଅନୁଷ୍ଠାନର ଗୌରବ ବଢାଇଛନ୍ତି l ଅନୁଷ୍ଠାନର କର୍ତ୍ତୃପକ୍ଷ ଶତ ପ୍ରତିଶତର ଶ୍ରେୟ ସମସ୍ତ ଅଧ୍ୟାପକ ଓ ଅଧ୍ୟାପିକା , ଅବିଭାବକ ଏବଂ ଛାତ୍ରଛାତ୍ରୀ ମାନଙ୍କୁ ଦେଇଛନ୍ତି l ଏହି ସଫଳତା ଅବସରରେ ସହର ର ବିଭିନ୍ନ ମହଲ, ବୁଦ୍ଧିଜୀବୀ ତଥା ବିଭିନ୍ନ ଛାତ୍ର ସଂଘଠନ ତତଫରୁ ଶୁଭେଛାର ସୁଅ ଛୁଟୁଛି।
