ଟାଙ୍ଗୀ,୧୪/୦୭(ବିନୁ ଦାସ) : କାଳୁପଡାଘାଟ ରୁ ଚୋରୀ ହୋଇଥିବା ସ୍କୁଟି ଗାଡି ଭୁବନେଶ୍ୱର ରୁ ଜବତ ହୋଇଛି । ଟାଙ୍ଗୀ ପୋଲିସ ପକ୍ଷରୁ ବିଭିନ୍ନ ସ୍ଥାନରେ ଚଢ଼ାଉ କରାଯିବା ପରେ ଚୋରୀ ହୋଇଥିବା ସ୍କୁଟି ଗାଡି ଟି ଭୁବନେଶ୍ୱର ସ୍ଥିତ ୨ ନଂ ମାର୍କେଟ ରୁ ଜବତ କରାଯାଇଛି , ତା-ସହିତ ୨ ଜଣ ଗାଡି ଚୋରଙ୍କୁ ଟାଙ୍ଗୀ ପୋଲିସ ଗିରଫ କରି କୋର୍ଟ ଚାଲାଣ କରିଛି । ଗିରଫ ଅଭିଯୁକ୍ତ ଦୁହେଁ ହେଲେ ଗଞ୍ଜାମ ଜିଲ୍ଲା କୋଦଳା ଥାନା ବେଲଝରି ଗ୍ରାମର କ୍ରିଷ୍ଣା ଓରଫ କ୍ରୁଷ୍ଣଚନ୍ଦ୍ର ପ୍ରଧାନ ଓ ନୟାଗଡ ଜିଲ୍ଲା ଚାନ୍ଦପୁର ଥାନା ଅଧିନସ୍ଥ ଡୋମଣୀ ସାହିର ଜଗନ୍ କୁମାର ସାହୁ ବୋଲି ଜଣାପଡିଛି । ଗତ ୮ ତାରିଖ ରାତିରେ କାଳୁପଡାଘାଟ ସ୍ଥିତ ଜଗା-ବଳିଆ ଲଜ୍ ନିକଟରୁ ରାତିରେ ଏକ ଜୁପିଟର ସ୍କୁଟି ଚୋରୀ ହୋଇଥିଲା । ବାଲୁଗାଁ SDPO ମାନସ ରଞ୍ଜନ ବାରିକ ଙ୍କ ତତ୍ତ୍ୱାବଧାନରେ ଏବଂ ଟାଙ୍ଗୀ ଥାନା ନିରୀକ୍ଷକ ଦୀଗବିଜୟ ବିଶ୍ୱାଳ ଙ୍କ ନେତୃତ୍ୱରେ ଗଠିତ ଟିମ୍ ବିଭିନ୍ନ ସ୍ଥାନରେ ଚଢ଼ାଉ କରିବା ପରେ ଏହି ସଫଳତା ମିଳିଛି ।
