ରାଜଗାଙ୍ଗପୁର, (ମନୋଜ ଭୋଳଙ୍କ ରିପୋର୍ଟ) :-ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ସହର ରେ ଦିନକୁ ଦିନ ଚୋରି ଡକାୟତି ବୃଦ୍ଧି ପାଇଥିବା ବେଳେ ରାଜଗାଙ୍ଗପୁର ପୋଲିସ ଏକ ପେଟ୍ରୋଲ ପମ୍ପ ଡକାୟତି ଯୋଜନା କୁ ପଣ୍ଡ କରିବା ସହ ୨ଜଣ ଅପରାଧୀ ଙ୍କୁ ଗିରଫ କରିଛି ।ପ୍ରାପ୍ତ ସୂଚନା ଅନୁଯାୟୀ ରାଜଗାଙ୍ଗପୁର ପୋଲିସ ଓ କାଂଶ ବାହଲ ଫାଣ୍ଡି ପୋଲିସ କୁ ବିଶେଷ ସୂତ୍ର ରୁ ଖବର ପାଇ କାଂଶବାହଲ ରୁ ମନ୍ଦିରା ଡ୍ୟାମ ଯିବାକୁ ଥିବା ରାସ୍ତା ରେ ପେଟ୍ରୋଲିଂ କରୁଥିବା ସମୟ ରେ ଗୋଟିଏ ମୋଟର ସାଇକେଲ ନମ୍ବର ଓଡ଼ି୧୪ ଏସ ୯୨୬୪ ରେ ଦୁଇ ଜଣ ଯୁବକ ଙ୍କୁ ସନ୍ଧେହ ରେ ଅଟକାଇ ଥିଲା ।ସେମାନଙ୍କ ଠାରୁ ପଚରାଉଚରା କରିବା ପରେ ଜଣାପଡିଥିଲା ଯେ ସେମାନେ ଟୋଲ ଗେଟ ନିକଟରେ ଥିବା ପେଟ୍ରୋଲ ପମ୍ପ ରେ ବିଳମ୍ବିତ ରାତି ରେ ଡକାୟତି ନେଇ ଯୋଜନା କରିଥିଲେ ।ପୋଲିସ ସେମାନଙ୍କ ଠାରୁ ଗୋଟିଏ ଦେଶୀ ବନ୍ଧୁକ,ଗୋଟିଏ ୭.୬୨ ଏମ ଏମ ଜୀବନ୍ତ ଗୁଳି ,ଗୋଟିଏ ବ୍ଲାକ କଲର ସିଡ଼ି deluxe ମୋଟର ସାଇକେଲ ,ଜବତ କରିବା ସହ ରାଜଗାଙ୍ଗପୁର ପୋଲିସ ଷ୍ଟେସନ କେଶ ନମ୍ବର ୧୪୪ ୟୁ/ଏସ ୨୫(1ବି)(a)ଆର୍ମ ଆକ୍ଟ ରେ ମାମଲା ରଜୁ କରି ଅଭିଯୁକ୍ତ ଦୁଇ ଯୁବକ ଙ୍କୁ କୋର୍ଟ ଚାଲାଣ କରିଥିବା ନେଇ ରାଜଗାଙ୍ଗପୁର ଥାନାରେ ଏସ ଡ଼ି ପି ଓ ଶଶାଙ୍କ ଶେଖର ବେଉରା ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି ।
