କେନ୍ଦ୍ରାପଡ଼ା ୨୧।୧୧: କେନ୍ଦ୍ରାପଡ଼ା ଜଂଅରା ବାରିମୂଳରେ ନିକଟରେ ଅଘଟଣ । ପାଣିରେ ବୁଡି ୨ ଶିଶୁଙ୍କ ସଲିଳ ସମାଧି ।ମୃତକ ୨ ଶିଶୁଙ୍କ ନାମ ଶୁଭସ୍ମିତା ଓ ମଧୁସ୍ମିତା । ଉଭୟ ସଂପର୍କରେ ଭଉଣୀ ବୋଲି ସୂଚନା ମିଳିଛି ।
ଖବର ଅନୁଯାୟୀ, ନାଳରେ ଭାସୁଥିବା ପୁରୁଣା ଡଙ୍ଗା ଆଣିବାକୁ ୨ ଭଉଣୀ ଯାଇଥିଲେ । ହେଲେ ଡଙ୍ଗା ଆଣିବା ବଦଳରେ ପାଣିରେ ବୁଡିଯାଇଥିଲେ ୨ ଭଉଣୀ । ଅତ୍ୟଧିକ ପାଣି ଥିବାରୁ ୨ ଭଉଣୀଙ୍କର ପାଣିରେ ବୁଡି ମୃତ୍ୟୁ ହୋଇଛି । ଉକ୍ତ ନାଳରେ ମୃତଦେହ ଭାସୁଥିବାର ସ୍ଥାନୀୟଲୋକ ଦେଖିଥିଲେ । ଏହାପରେ ତୁରନ୍ତ ନାଳରୁ ଉଭୟଙ୍କ ମୃତଦେହ ଉଦ୍ଧାର କରାଯାଇଥିଲା । ତେବେ ଏଠାରେ ଟିକିଏ ଅସାବଧାନତା ଲାଗି ଚାଲିଗଲା ୨ ଶିଶୁଙ୍କ ଜୀବନ ।
