ଟାଙ୍ଗୀ:-୨୦/୧୦(ବିନୁ ଦାସ୍):-ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ ଚଣ୍ଡେଶ୍ୱର ଛକ ତଳଗଡ଼ ମୌଜା ମାଉଣ୍ଟ ଲିଟେରା ଇଂଲିଶ ମିଡ଼ିୟମ ସ୍କୁଲ ନିକଟରେ ଥିବା ଏକ ଚୋରା ପଥର ଖଣିକୁ ବାଲୁଗାଁ ଏସ୍ ଡିପିଓ ମାନସ ରଞ୍ଜନ ବାରିକ ଛଦ୍ମବେଶରେ ଚଢ଼ାଉ କରିଛନ୍ତି।ପୂର୍ବରୁ କିଛି ମାସ ତଳେ ଛଦ୍ମବେଶରେ ଡ୍ରାଇଭରକୁ ଲିଫ୍ଟ ମାଗି ଏକ ବଡ଼ ଖଣି ମାଫିଆ ଙ୍କର ପଥର ଗାଡ଼ିଧରି ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଥିଲେ।ସେହିଭଳି ଆଜି ବୁଧବାର ମଧ୍ୟାହ୍ନ ରେ ଚଣ୍ଡେଶ୍ୱର ଇଂଲିଶ ମିଡିୟମ ସ୍କୁଲ ନିକଟରେ ଥିବା ବେଆଇନ ଚୋରା ପଥରଖଣିରେ ଚଢ଼ାଉ କରି ଦୁଇଟି ପାୱାର ଟିଲର,ତିନୋଟି ବାଇକ ଜବତ କରିଥିବା ବେଳେ ଜଣଙ୍କୁ ଗିରଫ କରିଛନ୍ତି।ଘଟଣା ସ୍ଥଳରେ ଦକ୍ଷ ପ୍ରଶାସକ ବାଲୁଗାଁ ଏସ୍ ଡିପିଓ ମାନସ ରଞ୍ଜନ ବାରିକଙ୍କୁ ଦେଖି ଆଉ କିଛି ଖଣି ମାଫିଆ ଜୀବନ ବିକଳରେ ଜାଗା ଛାଡି ଛତ୍ରଭାଙ୍ଗ ଦେଇଛନ୍ତି କିନ୍ତୁ ସମ୍ପୃକ୍ତ ଚୋରା ଖଣି ମାଲିକ କିଏ ଏବଂ କାହା ଇଙ୍ଗିତରେ ପଥର କଟାଯାଉଥିଲା ସେମାନଙ୍କ ଠିକଣା ମଧ୍ୟ ପାଇସାରିଛନ୍ତି ଦକ୍ଷ ଅଧିକାରୀ ମାନସ ରଞ୍ଜନ ବାରିକ ଏବଂ କହିଛନ୍ତି ସେମାନଙ୍କ ଉପରେ ଦୃଢ଼ ଆଇନଗତ କାର୍ଯ୍ୟାନୁଷ୍ଠାନ ନିଆଯିବ ।
ଅପର ପକ୍ଷରେ ଟାଙ୍ଗୀ ମଦ ଦୋକାନ ପାଖରେ କୁମାର ପୂର୍ଣ୍ଣିମା ଉପଲକ୍ଷେ ମଦୁଆ ମାନଙ୍କର ଭିଡ ମଧ୍ୟ ରହିଥିଲା। ବାରମ୍ବାର ପୂର୍ବରୁ ତାଗିଦ କରିଥିଲେ ବି ମଦ ଦୋକାନୀ କି ସେଠାକୁ ଆସୁଥିବା ଗ୍ରାହକ ନିୟମ ଭଙ୍ଗ କରି ମଦ୍ୟପାନ କରୁଥିଲେ । ସେହିଭଳି ମଦ ଦୋକାନ ପାଖରେ ଥିବା ଅସ୍ଥାୟୀ ଚାଖଣା ଦୋକାନିକୁ ଟିଉସନ କରିବା ସହ ସମ୍ପୃକ୍ତ ସ୍ଥାନରୁ ଭୟରେ ମଦୁଆ ମନେ ଏସ୍ ଡିପିଓ ବାଲୁଗାଁ ଙ୍କୁ ଦେଖି ଛତ୍ରଭଙ୍ଗ ଦେଇଥିଲେ।ଦିନକୁ ଦିନ ଅଞ୍ଚଳରେ ନିଶା ମାଫିଆ ଏବଂ ନିଶାଖୋର ମାନଙ୍କର ଢେର ଚାହିଦା ବଢୁଥିବା ବେଳେ ଆଗକୁ କିଛି ନିଶା ବିକୁଥିବା ମାଫିଆଙ୍କ ବିରୋଧ ରେ କଡା କାର୍ଯ୍ୟାନୁଷ୍ଠାନ ନେବାକୁ ଅଣ୍ଟା ଭିଡିଛନ୍ତି । ଏଭଳି ଦୁର୍ନୀତି ଖୋର ଏବଂ ନିଶା ମାଫିଆଙ୍କ ବିରୋଧରେ ସଦାବେଳେ କଡା ଆଭିମୁଖ୍ୟ ଗ୍ରହଣ କରିଥିବାରୁ ଅଞ୍ଚଳବାସୀ ଙ୍କର ପ୍ରଶଂସା ରପାତ୍ର ହୋଇଛନ୍ତି ଏବଂ ଆଗକୁ ବହୁ ନିଶା ବେପାରୀ ବଡ଼ ମାଛ ଧରହେବାର ପ୍ରାକ ସୂଚନା ଦେଇଛନ୍ତି।
