ଚାନ୍ଦପୁର, ୩୦/୦୮(ବିନୁ ଦାସ୍):-ଚାନ୍ଦପୁର ଥାନା ନୂତନ ଗୃହ ଉଦଘାଟନ।ଉଦଘାଟନ କଲେ ପୋଲିସ ମହାନିର୍ଦେଶକ ଶ୍ରୀ ଅଭୟ।ଏହି କାର୍ଯ୍ୟକ୍ରମ ରେ ଆଇଜି ନରସିଂହ ଭୋଳ, ନୟାଗଡ଼ ଏସ୍ ପି ସିଦ୍ଧାର୍ଥ କାଟରିୟା,ସ୍ଥାନୀୟ ସାଂସଦ ପିନାକୀ ମିଶ୍ର,ରଣପୁର ବିଧାୟକ ସତ୍ୟ ନାରାୟଣ ପ୍ରଧାନ ପ୍ରମୁଖ ଅତିଥି ଭାବରେ ଯୋଗ ଦେଇଥିଲେ। ୨୦୧୮/୧୯ ଆର୍ଥିକ ବର୍ଷରେ ଏହି ନୂତନ ଗୃହ ନିର୍ମାଣର ପ୍ରସ୍ତୁତି ଆରମ୍ଭ ହୋଇଥିଲା ଏବଂ ଆଜି ତାହାର ଉଦଘାଟନ ହେଲା।
ଏକକୋଟି ଏକଷଠି ଲକ୍ଷ ପାଞ୍ଚହଜାର ଟଙ୍କା ବ୍ୟୟ ଅଟକଳ ରେ ନିର୍ମାଣ ହୋଇଛି ଚାନ୍ଦପୁର ଥାନାର ଏହି ନୂତନ ଗୃହ।ପୋଲିସ ଡିଜିପି ଶ୍ରୀ ଅଭୟ ଉଦଘାଟନ କରିବା ପରେ ଚାନ୍ଦପୁର ଥାନାର ସମସ୍ତ କର୍ମଚାରୀଙ୍କ ସହ ସାକ୍ଷାତ କରି ସେମାନଙ୍କ ଭଲମନ୍ଦ ଓ ପରିବାର ସମସ୍ୟା ସମ୍ପର୍କରେ ପଚାରି ବୁଝିଥିଲେ ଏବଂ ନିଃସ୍ୱାର୍ଥପର ଭାବରେ,ଦୁଃସାହସର ସହିତ ପୋଲିସ ବିଭାଗରେ କାର୍ଯ୍ୟ କରିବା ପାଇଁ ପରାମର୍ଶ ଦେଇଥିଲେ।ଚାନ୍ଦପୁର ଥାନାର ଜନପ୍ରିୟ ଥାନାଧିକାରୀ ରଶ୍ମି ରଞ୍ଜନ ଦାସ୍ ଙ୍କର ଶାନ୍ତି ଶୃଙ୍ଖଳା ରକ୍ଷା କରିବା ଏବଂ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ସାଂସଦ ପିନାକୀ ମିଶ୍ର କୃତଜ୍ଞତା ଜ୍ଞାପନ କରିଥିଲେ।
