ଚିଲିକା:-୩୦/୦୮(ବିନୁ ଦାସ୍):-ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ ଅନ୍ତର୍ଗତ ହରିପୁର ଅଞ୍ଚଳର ନିମୁନା ଗ୍ରାମର ରାଜ କିଶୋର ନାୟକ ଙ୍କ ୩୪ ବର୍ଷୀୟ ପୁତ୍ର ଅଶୋକ ନାୟକଙ୍କ ମୃତଦେହ ସେହିଠାରୁ କିଛି ବାଟ ଦୂରରେ ଥିବା ନାଚୁଣି ଫାଣ୍ଡି ଅନ୍ତର୍ଗତ ବଉଳାବନ୍ଧ ଗ୍ରାମର ତଳବ୍ରାହ୍ମଣ ସାହିର ଏକ କୂଅରେ ପଡ଼ିଥିବାର ଦେଖାଯାଇଥିଲା । ଘଟଣା ଟି ପୂର୍ବ ରାତିରେ ହୋଇଥିବାବେଳେ ସକାଳୁ ବଉଳାବନ୍ଧ ତଳବ୍ରାହ୍ମଣ ସାହି ର ଗ୍ରାମବାସୀ ଦେଖି ଗଙ୍ଗାଧର ପୁର ଦମକଳ ବାହିନୀ ସହାୟତାରେ ଶବ ଟିକୁ ଉଦ୍ଧାର କରିଛନ୍ତି । ଏହା ହତ୍ୟାକାଣ୍ଡ କି ଆତ୍ମହତ୍ୟା ବର୍ତ୍ତମାନ ପୋଲିସ ସନ୍ଦେହ ଘେରରେ । ସମ୍ପୃକ୍ତ ଯୁବକଙ୍କୁ କେଉଁ କାରଣରୁ ହତ୍ୟା ହୋଇଛି କି ଯୁବକ ଆତ୍ମହତ୍ୟା କରିଛନ୍ତି ବର୍ତ୍ତମାନ ସୁଦ୍ଧା ପୋଲିସ ଟେର ପାଇନି । ଘଟଣା ସ୍ଥଳରେ ପୋଲିସ ତାର ତଦନ୍ତ ଆରମ୍ଭ କରିଛି କିନ୍ତୁ ଜନ୍ମାଷ୍ଟମୀ ରେ ଏହି ଶୋକାକୁଳ ଖବର ଅଞ୍ଚଳବାସୀ ଙ୍କୁ ମର୍ମାହତ କରିଛି । ତୁରନ୍ତ ଏ ଦିଗରେ ପୋଲିସ ଦୋଷୀ ମାନଙ୍କୁ ଧରିବାକୁ ଦାବି ହେଉଛିି । କିନ୍ତୁ ଆମ ପ୍ରତିନିଧି ଙ୍କୁ ନାଚୁଣୀ ଫାଣ୍ଡି ଅଧିକାରୀ ଉମାକାନ୍ତ ସାହୁ କହିଛନ୍ତି କି ବର୍ତ୍ତମାନ ପୋଲିସ ଶବ ଜବତ କରି ଅଧିକ ତଦନ୍ତ ଜାରି ରଖିଛି ଏବଂ ଏହା ହତ୍ୟା କି ଆତ୍ମହତ୍ୟା ଶବ ବ୍ୟବଚ୍ଛେଦ ପରେ ଜଣାପଡିବ ବୋଲି ନାଚୁଣି ଫାଣ୍ଡି ଅଧିକାରୀ ଉମାକାନ୍ତ ସାହୁ ଆମ ପ୍ରତିନିଧି ଙ୍କୁ କହିଛନ୍ତି।
