ଟାଙ୍ଗୀ,୧୯/୦୭(ବିନୁ ଦାସ୍) ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅଧୀନରେ ଥିବା ବିଭିନ୍ନ ଅଞ୍ଚଳରେ ଜୁଆଖେଳ ଚାଲୁଥିଲା।ଏହାକୁ ଦୃଢ଼ ହସ୍ତରେ ଦମନ କରିବାକୁ ଟାଙ୍ଗୀ ଥାନାଧିକାରୀ ବିଜୟ ମଲ୍ଲିକ ଆପ୍ରାଣ ଉଦ୍ୟମ କରୁଛନ୍ତି । ଯାହା ଫଳରେ ବିଭିନ୍ନ ସ୍ଥାନରେ ଜୁଆଆଡ୍ଡା ପୋଲିସ ଭୟରେ ବନ୍ଦ ରହୁଛି । ସୂଚନା ମୁତାବକ ଭୂଷଣ୍ଢପୁର ଅଞ୍ଚଳରେ ଏକ ସ୍ଥାନରେ ଜୁଆଖେଳ ହେବାର ପୋଲିସ ସୂଚନା ପାଇଥିଲା କିନ୍ତୁ ବିଭିନ୍ନ ସମୟରେ ସମ୍ପୃକ୍ତ ଜୁଆଆଡ୍ଡା କୁ ଚଢ଼ାଉ କରିବାକୁ ଗଲାବେଳେ ସମ୍ପୃକ୍ତ ରାସ୍ତାରେ ଜୁଆଡ଼ିଆ ମାନଙ୍କ ପକ୍ଷରୁ ଜଗୁଆଳ ନିଯୁକ୍ତ ହେଉଥିଲେ ଯାହାକି ସ୍ଥାନୀୟ ପୋଲିସ ଖାଲି ହାତରେ ଫେରିବାକୁ ବାଧ୍ୟହେଉଥିଲା,କିନ୍ତୁ ପୋଲିସ ଚାରିପଟୁ ଘେରାଉ କରି ଖେଳ ସ୍ଥାନକୁ ଯିବା ରାସ୍ତାରେ ଥିବା ଜଗୁଆଳ ‘ପୋଲିସ ଆସିଲାରେ ପଳାଓ’ କହିଥିଲା ।
ଯାହା ଫଳରେ ପୂର୍ବ ଯୋଜନା ମୁତାବକ ଟାଙ୍ଗୀ ଥାନାଧିକାରୀ ବିଜୟ ମଲ୍ଲିକ ଏବଂ ତାଙ୍କ ଟିମ୍ ସାତ ଜଣ ଜୁଆଡ଼ିଆଙ୍କୁ ଗିରଫ କରିବା ସହ ପାଞ୍ଚ ଗୋଟି ଗାଡି ଏବଂ ଦୁଇଟି ସାଇକେଲ ଜବତ କରିଛନ୍ତି।ଅପର ପକ୍ଷରେ ତିନି ହଜାର ଦୁଇଶହ ଟଙ୍କା ଜବତ ହୋଇଥିବା ବେଳେ ୨୩୯/୨୧ ରେ ମାମଲା ରୁଜୁକରି ସୁଶାନ୍ତ ପ୍ରଧାନ, ଦୟାନିଧି ପରିଡ଼ା, ରବି ସରକାର, ବିକାଶ ପରିଡ଼ା ଏହି ଚାରିଜଣ ଟାଙ୍ଗୀ ଥାନା ଅନ୍ତର୍ଗତ କନ୍ତଳବାଈ ଗ୍ରାମର ହୋଇଥିବା ବେଳେ ସୁନୀଲ ନାୟକ,ସୁନନ୍ଦ ନାୟକ ଏବଂ ଧରଣୀ ପ୍ରଧାନ ତିନିଜଣ ରାଉଳ ହଜ ଗ୍ରାମର ବୋଲି ଜଣା ପଡିଛି।
