ଗୁଣୁପୁର,୧୬।୦୬, (ସିଦ୍ଧାର୍ଥ ଦାଶ) ରାୟଗଡା ଜିଲ୍ଲା ଗୁଣପୁର ତହସିଲରେ ବାଲି ମାଫିଆଙ୍କ ରାଜ ବୃଦ୍ଧି ପାଇବାରେ ଲାଗିଥିବା, ବାଲି ଚୋରା ଚାଲାଣ ଉପରେ ରୋକ ଲଗାଯାଇ ପାରୁନଥିବା ଏବଂ ରାମେଶ୍ୱର ନଗର ଉପର ମୁଣ୍ଡରେ , କତ୍ବାଲଗୁଡା ,ଶାନ୍ତି ନଗର,ଲିମାମେଡ଼ା , ବିକ୍ରମପୁର ବନବିଭାଗ ସମ୍ମୁଖ, ପୁରୁଣା ଗୁଣପୁର ଗୁଣ୍ଡିଚା ମନ୍ଦିର ଓ ଜଗନ୍ନାଥପୁର ଗ୍ରାମ ପଞ୍ଚାୟତ ର ବାସନାଗୁଡା ଠାରେ ବାଲି ରେମ୍ପ କରାଯାଇ ବାଲି ଚୋରା ଚାଲାଣ କରାଯିବା ସହ ସହରର ଅନେକ ସ୍ଥାନରେ ଲଘୁ ଖଣିଜ ସମ୍ପଦ ଗଛିତ କରି ବ୍ୟବସାୟ ଚଳାଇଥିବା ନେଇ ଖବର ପ୍ରକାଶ ପାଇବା ପରେ ଏହାକୁ ନେଇ ତହସିଲ କାର୍ଯ୍ଯାଳୟ ପକ୍ଷରୁ ତତ୍ପରତା ପ୍ରକାଶ ପାଇଛି ।
ଏହାକୁ ପାଥେୟ କରି ସ୍ଥାନୀୟ ତହସିଲଦାର ଶ୍ରୀ ଶରତ ଚନ୍ଦ୍ର ନାୟକ ଅଧୀନସ୍ଥ ସମସ୍ତ ରାଜସ୍ୱ ନିରୀକ୍ଷକ ଙ୍କୁ ଏହାର ଅନୁସନ୍ଧାନ କରି ଖଣିଜ ସମ୍ପଦ ଡ଼ମ୍ପି ଓ ବେଆଇନ ଖଣିଜ ସମ୍ପଦ ଚାଳନ ଉପରେ ରୋକ ଲଗାଇବା ନିମନ୍ତେ ସମସ୍ତ ରାଜସ୍ବ ନିରୀକ୍ଷକ ମାନଙ୍କୁ ତହସିଲ କାର୍ଯ୍ୟାଳୟ ର ଚିଠି ନମ୍ବର ୨୪୬୬/୨୧ ତା ୧୬/୦୬/୨୦୨୧ ରିଖ କ୍ରମେ ଏକ ରିପୋର୍ଟ ତଲବ କରିଛନ୍ତି । ଗୁଣପୁର ତହସିଲ ଅନ୍ତର୍ଗତ ସମସ୍ତ ଖଣିଜ ସମ୍ପଦ ଅଞ୍ଚଳର ରାଜସ୍ବ ନିରୀକ୍ଷକ ମାନେ ରିପୋର୍ଟ ଦେବା ପରେ ଆବଶ୍ୟକ ପଦକ୍ଷେପ ଗ୍ରହଣ କରିବେ ବୋଲି ତହସିଲଦାର ଗୁଣପୁର ଶ୍ରୀ ଶରତ ଚନ୍ଦ୍ର ନାୟକ ସୂଚନା ଦେଇଛନ୍ତି ।
