ଚିଲିକା:୨୮/୦୫(ବିନୁ ଦାସ୍):ବାତ୍ୟା ୟାସ୍ ଚାଲିଯାଇଛି ସତ ମାତ୍ର ଛାଡି ଯାଇଛି ତାର ପଦ ଚିହ୍ନ । ବାତ୍ୟା ଦ୍ୱାରା କ୍ଷତି ଗ୍ରସ୍ତ ହୋଇଥିବା ଲୋକମାନଙ୍କ ପାଖରେ ସ୍ୱତଃପୃତ ଭାବରେ ପହଞ୍ଚିଛି ଭାରତୀୟ ନୌସେନା । INS ଚିଲିକା (ଭାରତୀୟ ନୈ।ସେନା)ର ୨ ଟିମ୍ ପହଞ୍ଚି ବାତ୍ୟା ଯୋଗୁଁ କ୍ଷତି ଗ୍ରସ୍ତ ହୋଇଥିବା ଲୋକମାନଙ୍କୁ ଶୁଖିଲା ଖାଦ୍ୟ , ରୋଷେଇ ଖାଦ୍ୟ ବଣ୍ଟନ କରିଛନ୍ତି । ତା-ସହିତ ରାସ୍ତା ଅବରୋଧ ହୋଇଥିବା ସ୍ଥାନରେ ଯାତାୟତ ପାଇଁ ସୁ-ବନ୍ଦୋବସ୍ତ କରିଛନ୍ତି । ଭାରତୀୟ ନୌସେନାର ଗୋଟିଏ ଟିମ୍ ବାଲେଶ୍ବର ଜିଲ୍ଲା ସଦର ବ୍ଲକରେ ପହଞ୍ଚି ଲୋକଙ୍କୁ ସହଯୋଗ କରୁଥିବା ବେଳେ ଅନ୍ୟ ଏକ ଟିମ୍ ସେହି ଜିଲ୍ଲାର ତଳସରି , ଭୋଗରାଇ , ଚନ୍ଦ୍ରମଣି , ଇଞ୍ଚୁଣ୍ଡି ଇତ୍ୟାଦି ଗ୍ରାମରେ ପହଞ୍ଚି ଅସହାୟ ଲୋକମାନଙ୍କୁ ସହଯୋଗ ଜାରି ରଖିଛନ୍ତି । ଯାତାୟାତ ସୁବିଧା ନଥିବା ସ୍ଥାନକୁ ଭାରତୀୟ ନୌସେନା ହେଲିକପ୍ଟର ଦ୍ୱାରା ରିଲିଫ ସାମଗ୍ରୀ ବଣ୍ଟନ କରିଛି ।
