ଭୁବନେଶ୍ୱର, ୧୦ା୫: ରାଜ୍ୟ ରାଜଧାନୀ ଭୁବନେଶ୍ୱରର ୧ ନମ୍ବର ମାର୍କେଟର ହୋଲସେଲ ନିୟମ ପରିବର୍ତ୍ତନ କରାଯାଇଛି । ଏଣିକି ହୋଲସେଲ୍ ବେପାରୀମାନେ ରାତି ୩ଟାରୁ ସକାଳ ୬ଟା ୩୦ ପର୍ଯ୍ୟନ୍ତ ପରିବା କିଣିବେ । ସେହିପରି ଖୁଚୁରା ବେପାରୀମାନେ ସକାଳ ୬ଟା ୩୦ରୁ ଦିନ ୧୨ଟା ପର୍ଯ୍ୟନ୍ତ ପନିପରିବା କିଣିପାରିବେ । ହାଟର ପ୍ରତି ୨ଟି ଦୋକାନ ମଝିରେ ଗୋଟିଏ ଦୋକାନ ବନ୍ଦ ରହିବ । ଭିଡ଼କୁ ନିୟନ୍ତ୍ରଣ କରିବା ପାଇଁ ପୂର୍ବଦିନ ବନ୍ଦ ରହିଥିବା ଦୋକାନଗୁଡ଼ିକ ପରଦିନ ଖୋଲିବ । ଭୁବନେଶ୍ୱର ମହାନଗର ନିଗମ (ବିଏମସି), ପୋଲିଓ ଓ ବ୍ୟବସାୟୀଙ୍କ ବୈଠକରେ ଏହି ନିଷ୍ପତ୍ତି ହୋଇଥିବା ଜଣାପଡ଼ିଛି ।
