ବୁଗୁଡା,୨୭/୦୧(ବୁଦ୍ଧିରାମ ସାହୁ) : ସ୍ଥାନୀୟ ଦିବ୍ୟ ଜୀବନ ସଂଘର ବାର୍ଷିକ ଉତ୍ସବ ଆଜି ସ୍ଵ ପରିସରରେ ଅନୁଷ୍ଠିତ ହୋଇଯାଇଛି। କାର୍ଯ୍ୟସୂଚୀ ଅନୁସାରେ ଜପତପ ଓ ପୂଜାର୍ଚ୍ଚନା ସହ ଆଧ୍ୟାତ୍ମିକ ପ୍ରବଚନ ଅନୁଷ୍ଠିତ ହୋଇଥିଲା। ବରିଷ୍ଠ ସଦସ୍ୟ କାଶୀନାଥ ବିଷୋୟୀ ପତାକା ଉତ୍ତୋଳନ କରିଥିବା ବେଳେ ସଂଘର ରାଜ୍ୟ ସଂଗଠକ ଜୟଦେବ ନାୟକ,ସ୍ଥାନୀୟ ସଂଘର ସଭାପତି ପ୍ରଫୁଲ୍ଲ କୁମାର ପାଢୀ ,ସଂପାଦକ ଲଳିତ ମୋହନ ପଟ୍ଟନାୟକ ପ୍ରମୁଖ ଯୋଗଦେଇ ଆଧ୍ୟାତ୍ମିକ ବାଣୀ ସଂପର୍କରେ ଆଲୋଚନା କରିଥିଲେ । କାର୍ଯ୍ୟକ୍ରମ ପରିଚାଳନାରେ ମନୋଜ କୁମାର ଚୌଧୁରୀ,କିଶୋର ଚନ୍ଦ୍ର ପଣ୍ଡା,ଦେବେନ୍ଦ୍ର ପରିଡା ପ୍ରମୁଖ ସହଯୋଗ କରିଥିଲେ। ଏ ଅବସରରେ ଚାରିଜଣ ବଦାନ୍ୟ ବ୍ୟକ୍ତିମାନଙ୍କୂ ସଂଘ ତରଫରୁ ସମ୍ବର୍ଦ୍ଧିତ କରାଯାଇଥିଲା।
