କଟକ,୫।୭: କରୋନା ମହାମାରୀର ବଢୁଥିବା ସଂଖ୍ୟାକୁ ଦେଖି ମଧ୍ୟ ଲୋକେ ଅମାନିଆ ହେଉଛନ୍ତି । ଆଜି ରାଜ୍ୟରେ ୪୬୯ ଜଣ ପଜିଟିଭ୍ ଚିହ୍ନଟ ହୋଇଥିବା ବେଳେ ୨ ଜଣଙ୍କର ଜୀବନ ନେଇଛି କରୋନା । ଏହାରି ମଧ୍ୟରେ ସଂକ୍ରମଣକୁ ରୋକିବା ପାଇଁ କଟକ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଲୋକଙ୍କର ପ୍ରବେଶ ମନା ହୋଇଛି । ଜୁଲାଇ ୩୧ ଯାଏ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଲୋକଙ୍କ ପ୍ରବେଶ ମନା ହୋଇଛି । କୋଭିଡ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ହେଉଥିବାରୁ ଏପରି ନିଷ୍ପତ୍ତି ନିଆଯାଇଛି । ଏଣିକି ଅନଲାଇନରେ ସମସ୍ତ ସେବା ଉପଲବ୍ଧ ହେବ ।
