ନୂଆଦିଲ୍ଲୀ: ବିଶ୍ୱ କରୋନା ତାଲିକାରେ ଭାରତ ପଂଚମ ସ୍ଥାନରେ ପହଂଚିଛି । ସ୍ପେନକୁ ହଟାଇ ଭାରତ ପଂଚମ ସ୍ଥାନରେ ପହଞ୍ଚିଛି । ପୂର୍ବରୁ ଇଟାଲୀକୁ ସକ୍ରଂମଣ ସଂଖ୍ୟାରେ ଟପି ଭାରତ ଷଷ୍ଠ ସ୍ଥାନରେ ପହଞ୍ଚିଥିଲା ।ଦେଶରେ ଏବେ ସୁଦ୍ଧା ୨ ଲକ୍ଷ ୪୬ ହଜାର ୫୪୯ ଜଣଙ୍କୁ ଏହି ମହାମାରୀ ସଂକ୍ରମଣ କରି ସାରିଛି । ୧ଲକ୍ଷ ୧୪ ହଜାର ୭୩ ଜଣ ଭୂତାଣୁକୁ ମାତ ଦେଇ ସୁସ୍ଥ ହୋଇଛନ୍ତି । କରୋନା ଭୂତାଣୁ ଦେଶରେ ୬ହଜାର ୬୪୨ ଜଣଙ୍କ ଜୀବନ ନେଇଥିବା ବେଳେ ଏବେ ବିଭିନ୍ନ କୋଭିଡ ହସ୍ପିଟାଲରେ ୧ ଲକ୍ଷ ୧୫ ହଜାର ୯୪୨ ଜଣ ଚିକିତ୍ସିତ ହେଉଛନ୍ତି ।
