ରାୟଗଡ,୨୬/୧୦(ପ୍ରଫୁଲ୍ଲ କୁମାର ବେହେରା) : ରାୟଗଡ଼ା ସ୍ଵୟଂଶାସିତ ମହାବିଦ୍ୟାଳୟର ଭଲି ବଲ ଚାମ୍ପିଅନ ଦଳକୁ ମହାବିଦ୍ୟାଳୟ ତରଫରୁ ସମ୍ବର୍ଦ୍ଧିତ କରାଯାଇଛି । ବ୍ରହ୍ମପୁର ବିଶ୍ଵବିଦ୍ୟାଳୟ ଆନୁକୁଲ୍ୟରେ କେ ଏସ ୟୁ ବି ମହାବିଦ୍ୟାଳୟ ଠାରେ ଗତ ୨୨ ଓ ୨୩ ତାରିଖରେ ଆନ୍ତମହାବିଦ୍ୟାଳୟ ଭଲି ବଲ ପ୍ରତିଯୋଗିତା ୨୦୨୨ ଅନୁଷ୍ଠିତ ହୋଇଥିଲା। ଉକ୍ତ ପ୍ରତିଯୋଗିତାରେ ରାୟଗଡ଼ା ସ୍ଵୟଂଶାସିତ ମହାବିଦ୍ୟାଳୟ ବ୍ରହ୍ମପୁରର ସିଟି କଲେଜ କୁ ପରାସ୍ତ କରି ଚାମ୍ପିଅନ ଅର୍ଜନ କରିଛନ୍ତି । ଏହି ପ୍ରତିଯୋଗିତାରେ ସମୁଦାୟ ୮ଟି ଦଳ ଏହି ପ୍ରତିଯୋଗିତାରେ ଅଂଶଗ୍ରହଣ କରିଥିଲେ । ରାୟଗଡ ମହାବିଦ୍ୟାଳୟରୁ ଅଂଶଗ୍ରହଣ କରିଥିବା ଖେଳାଳିମାନେ ହେଲେ କେପ୍ଟନ୍ ସମ୍ୟରଞ୍ଜନ ସାମଲ, ସୁକାନ୍ତ ଲିମା, ଗଣେଶ ହିକକା, କେ କାର୍ତ୍ତିକ, ଉଦୟ ମାଣ୍ଡାଙ୍ଗି, ଅଜୟ ଯାଦବ ଓ ବୁଲୁ। କୋଚ ଖେଳ ଶିକ୍ଷକ ଶ୍ରୀ ଆଶିଷ ପୂଜାରି ।
ଏହି ଖେଳାଳୀ ମାନଙ୍କୁ ମହାବିଦ୍ୟାଳୟର ଅଧ୍ୟକ୍ଷା ଶ୍ରୀମତୀ ଭି ଆର୍ ରତନ ଶ୍ରୀ, ଡ ପ୍ରଶନ୍ନ୍ ଗନ୍ତାୟତ, ଡ ବି ଏଲ୍ ସରାଫ, ଗିରିଷ ପଟ୍ଟନାୟକ ଓ ଅଶୋକ କୁମାର ସାହୁ ସମେତ ପୁଷ୍ପଗୁଛ ଦେଇ ସମସ୍ତ ଖେଳାଳୀକୁ ସମ୍ୱର୍ଧ୍ଯନା କରିଥିଲେ।
