ରାଜଗାଙ୍ଗପୁର,୦୫/୦୫(ମନୋଜ ଭୋଳ):- ଡାଲମିଆ ସିମେଣ୍ଟ (ଭାରତ) ଲିମିଟେଡ୍, ରାଜଗାଙ୍ଗପୁର ପକ୍ଷରୁ ଲାଞ୍ଜିବେର୍ଣ୍ଣl ସରକାରୀ ଉଚ୍ଚ ବିଦ୍ୟାଳୟରେ ଶିକ୍ଷା ଲାଭ କରୁଥିବା ଛାତ୍ର ଛାତ୍ରୀମାନଙ୍କୁ କାରଖାନା ପରିଦର୍ଶନ କରାଯାଇଛି l ଲାଞ୍ଜିବେର୍ଣ୍ଣl ଖଣି ଏବଂ ଆଖ ପାଖ ଗ୍ରାମ ରୁମlବାହାଲ୍, ଖେରାମୁଟା, ଲାଞ୍ଜିବେର୍ଣ୍ଣl, ବାବୁଡି, ତୁରିଟୋଲି, ଟେକେଟୋଲି ଇତ୍ୟାଦିର ଛାତ୍ର ଛାତ୍ରୀମାନେ ଏହି ସିମେଣ୍ଟ କାରଖାନା ପରିଦର୍ଶନ କାର୍ଯ୍ୟକ୍ରମ ରେ ଭାଗ ନେଇ ଥିଲେ | କମ୍ପାନୀ କାରଖାନା ପରିଦର୍ଶନ ସହିତ ରାଜଗାଙ୍ଗପୁର ସ୍ଥିତ ଡାଲମିଆ ଇନଷ୍ଟିଚୁଟ ଅଫ ନଲେଜେ ଆଣ୍ଡ ସ୍କିଲ ହାରନେସିଂ (ଦିକ୍ଷା), ଝଗରପୁର ସ୍ଥିତ ଡାଲମିଆ ଶିଳ୍ପ ତାଲିମ କେନ୍ଦ୍ର (ଡିଆଇଟିଆଇ) ଏବଂ ଡାଲମିଆ ଏଲ.ଭି.ପିଇ.ଆଇ ଚକ୍ଷୁ ଚିକିତ୍ସାଳୟ ଝଗରପୁରକୁ ମଧ୍ୟ ଛାତ୍ର ଛାତ୍ରୀମାନେ ପରିଦର୍ଶନ କରିଥିଲେ l ଏହି ପରିଦର୍ଶନର ଉଦ୍ଦେଶ୍ୟ ଥିଲା ସିମେଣ୍ଟ କାରଖାନା ସହିତ ସିମେଣ୍ଟ ଉତ୍ପାଦନ ପ୍ରକ୍ରିୟା ତଥା କମ୍ପାନୀ ଦ୍ୱାରା ଏହାର କଲ୍ୟାଣମୂଳକ ଉଦ୍ୟମ ବିଷୟରେ ଛାତ୍ର ଛାତ୍ରୀମାନଙ୍କୁ ଅବଗତ କରାଇବା l
ନବମ ଏବଂ ଦଶମ ଶ୍ରେଣୀର ଛାତ୍ରଛାତ୍ରୀମାନେ ସେମାନଙ୍କ ମାତାପିତା ଏବଂ ବିଦ୍ୟାଳୟର ଶିକ୍ଷକମାନଙ୍କ ସହିତ ରାଜଗଙ୍ଗପୁର କ୍ଲବ ହାଉସରେ ପହଞ୍ଚି ଜଳଖିଆ କରିବା ପରେ ସିମେଣ୍ଟ ପ୍ଲାଣ୍ଟ ଏବଂ ଏହାର ସାମାଜିକ ଦାୟିତ୍ୱବୋଧ ବିଭାଗ (ସିଏସଆର) ମାଧ୍ୟମରେ କରାଯାଇଥିବା ପାରିପାର୍ଶ୍ଵିକ ଅଂଚଳରେ ବିଭିନ୍ନ ଜୀବନଜୀବିକା କାର୍ଯ୍ୟକ୍ରମ ଉପରେ ଉପସ୍ଥାପନା କରାଯାଇଥିଲା l ଏହା ପରେ ଛାତ୍ରମାନେ ଦିକ୍ଷା ତାଲିମ କେନ୍ଦ୍ରକୁ ଯାଇଥିଲେ ଯେଉଁଠାରେ ସେମାନେ ଯୋଗ୍ୟ ଏବଂ ଅଭିଜ୍ଞ ପ୍ରଶିକ୍ଷକଙ୍କ ମାଧ୍ୟମରେ ଦିଆଯାଇଥିବା ବିଭିନ୍ନ ପ୍ଲେସମେଣ୍ଟ୍ ଲିଙ୍କ୍ ଟ୍ରେନିଂ ପ୍ରୋଗ୍ରାମ ବିଷୟରେ ଜାଣିବାକୁ ପାଇଥିଲେ | କାରଖାନା ୟୁନିଟ ୩ରେ ପ୍ରବେଶ କରିବା ପୂର୍ବରୁ ଛାତ୍ରମାନଙ୍କୁ ପ୍ରବେଶ ଦ୍ୱାରରେ ସୁରକ୍ଷା ପିପିଇ ହସ୍ତାନ୍ତର କରାଯାଇଥିଲା ଏବଂ ପରିଦର୍ଶନ ସମୟରେ ପ୍ଲାଣ୍ଟ ପରିସର ମଧ୍ୟରେ ପାଳନ କରାଯିବାକୁ ଥିବା ସୁରକ୍ଷା ନିୟମ ବିଷୟରେ ଅବଗତ କରାଯାଇଥିଲା | ପରେ ଛାତ୍ରମାନେ କାରଖାନା ପରିସର ମଧ୍ୟରେ ଆୟୋଜିତ ବୃକ୍ଷରୋପଣ କାର୍ଯ୍ୟକ୍ରମରେ ଅଂଶଗ୍ରହଣ କରି ବିଭିନ୍ନ ଚାରାରୋପଣ କରିଥିଲେ | କମ୍ପାନୀର ଅଧିକାରୀ ଛାତ୍ରମାନଙ୍କୁ ପ୍ରାରମ୍ଭିକ ଉତ୍ପାଦନ ପ୍ରକ୍ରିୟା ଠାରୁ ଆରମ୍ଭ କରି ପ୍ୟାକିଂ ହାଉସ ପର୍ଯ୍ୟନ୍ତ ସିମେଣ୍ଟ ବ୍ୟାଗ ବାହାରିବା ବିଷୟରେ ଜଣାଇଥିଲା l ଛାତ୍ରମାନେ କାରଖାନା ବୁଲି ଦେଖିବା ସହିତ ଏହାର ଉତ୍ପାଦନ ପ୍ରକ୍ରିୟା ବିଷୟରେ ବୁଝିଥିଲେ ଏବଂ ଉପସ୍ଥିତ ଅଧିକାରୀ ମାନଙ୍କ ସହିତ ଆଲୋଚନା କରି ମନରେଥିବା ପ୍ରଶ୍ନ ପଚାରିଥିଲେ l ଏହା ବ୍ୟତୀତ ସେମାନଙ୍କୁ ଅଗ୍ନି ନିର୍ବାପକ ଯନ୍ତ୍ରର କାର୍ଯ୍ୟକାରିତା ପ୍ରଦର୍ଶନ କରାଯାଇଥିଲା ଯାହା ମାଧ୍ୟମରେ ସେମାନେ ଯେକୋଣସି ସ୍ଥାନରେ ଅଗ୍ନି ଜରୁରୀକାଳୀନ ପରିସ୍ଥିତିର ମୁକାବିଲା କରିପାରିବେ l
ଏହି ଅବସରରେ ଶ୍ରୀଯୁକ୍ତ ଚେତନ ଶ୍ରୀବାସ୍ତବ, କାର୍ଯ୍ୟନିର୍ବାହୀ ନିର୍ଦେଶକ, ଡିସିବିଏଲ୍ ଓ ୟୁନିଟ୍ ମୁଖ୍ୟ, ରାଜଗାଙ୍ଗପୁର, କହିଥିଲେ “ଆମର ବିସ୍ତାରିତ ପରିବାର ସଦସ୍ୟଙ୍କ ନିକଟତର ହେବା ସର୍ବଦା ଆମକୁ ବହୁତ ଆନନ୍ଦ ଦେଇଥାଏ | ମୁଁ ବିଶ୍ୱାସ କରେ ଯେ ଏଭଳି ପରିଦର୍ଶନ ପିଲାମାନଙ୍କ ମଧ୍ୟରେ ବିଜ୍ଞାନ ଏବଂ ଉତ୍ପାଦନ ପ୍ରତି ଆଗ୍ରହ ସୃଷ୍ଟି କରିବ | ଯେତେବେଳେ ଶିଳ୍ପାୟନ ହୁଏ, ସେହି ଅଞ୍ଚଳର ଲୋକମାନେ ଉପକୃତ ହୁଅନ୍ତି ଏବଂ ସେମାନଙ୍କର ଜୀବନଧାରଣ ମଧ୍ୟ ବଢିଥାଏ | ଆମେ ସମ୍ପ୍ରଦାୟ ସହିତ ମିଶି କାର୍ଯ୍ୟ କରୁଛୁ ଏବଂ ଗ୍ରାମାଞ୍ଚଳରେ ବସ ବାସ କରୁଥିବା ଲୋକମାନଙ୍କ ଆର୍ଥିକ ସ୍ଥିତିକୁ ଉନ୍ନତ କରିବା ପାଇଁ ବିଭିନ୍ନ ଜୀବନଜୀବିକା କାର୍ଯ୍ୟକ୍ରମ ଯେମିତିକି ଫୁଲ ଚାଷ, ଛତୁ ଚାଷ ଇତ୍ୟାଦି ସହିତ ବିଭିନ୍ନ ବିକାଶମୂଳକ କାର୍ଯ୍ୟ ମଧ୍ୟ କରୁଛୁ । ଲାଞ୍ଜିବେର୍ଣ୍ଣl ଏବଂ ଏହାର ସଂଲଗ୍ନ ଗ୍ରାମର ଲୋକମାନଙ୍କୁ ବିନା ମୂଲ୍ୟରେ ପ୍ରାଥମିକ ସ୍ୱାସ୍ଥ୍ୟ ସେବା ପ୍ରଦାନ କରି ଆସୁଅଛି l ଏହା ବ୍ୟତୀତ, ଲୋକମାନଙ୍କୁ ଚକ୍ଷୁ ସେବା ଯୋଗାଇ ଦେବା ପାଇଁ ଡାଲମିଆ ଏଲ.ଭି.ପିଇ.ଆଇ ଚକ୍ଷୁ ଚିକିତ୍ସାଳୟ ମଧ୍ୟ ସ୍ଥାପନ କରିଛୁ | ଡିଆଇଟିଆଇ ପ୍ରମୁଖ ବ୍ୟବସାୟିକ ପ୍ରତିଷ୍ଠାନରେ ସଫଳତାର ସହ ନିଯୁକ୍ତି ପାଇଥିବା ଲୋକଙ୍କୁ ତାଲିମ ପ୍ରଦାନ କରିଛି l କାରଖାନା ପରିଦର୍ଶନ କରିଥିବାରୁ ଆମେ ସମସ୍ତଙ୍କୁ ଧନ୍ୟବାଦ ଦେଉଛୁ ଏବଂ ମୁଁ ଆଶା କରୁଛି ଯେ ଆପଣ ଆଜିର ପରିଦର୍ଶନ ଠାରୁ ବହୁତ କିଛି ଶିଖିଥିବେ ଏବଂ ଏହା ଆପଣଙ୍କ ଜୀବନରେ ସର୍ବୋତ୍ତମ ଉପଯୋଗ କରିପାରିବେ |
କାରଖାନା ପରିଦର୍ଶନ ସମୟରେ ଛାତ୍ରମାନଙ୍କ ମଧ୍ୟରେ ଏକ କୁଇଜ୍ ପ୍ରତିଯୋଗିତା ମଧ୍ୟ ଆୟୋଜିତ ହୋଇଥିଲା | ବିଜେତା ପ୍ରତିଯୋଗୀମାନଙ୍କୁ ଉପହାର ବିତରଣ ସମାରୋହ ସହିତ ଏହି ପରିଦର୍ଶନ ସମାପ୍ତ ହୋଇଥିଲା | ଡାଲମିଆ ସିମେଣ୍ଟରେ ଉତ୍ପାଦନ କାର୍ଯ୍ୟ କୁ ଦେଖି ଛାତ୍ରମାନେ ବହୁତ ଉତ୍ସାହିତ ଥିଲେ | ଏହିପରି ପରିଦର୍ଶନ ମାଧ୍ୟମରେ, ଯୁବ ଛାତ୍ରମାନେ ବହୁତ କିଛି ଶିଖନ୍ତି ଏବଂ ଉତ୍ପାଦନ କ୍ଷେତ୍ରରେ ଚାକିରିର ସୁଯୋଗ ଅନ୍ୱେଷଣ କରନ୍ତି ଓ କର୍ପୋରେଟ୍ସ ସହିତ ଆନୁଷ୍ଠାନିକ ଯୋଗାଯୋଗ କରିବାର ସୁଯୋଗ ମଧ୍ୟ ପାଆନ୍ତି | ଆମ ପିଲାମାନଙ୍କ ସହିତ ପ୍ଲାଣ୍ଟ ପରିଦର୍ଶନ କରିବାର ସୁଯୋଗ ପାଇ ଆମେ ଆନନ୍ଦିତ ବୋଲି ଅଭିଭାବକମାନେ କହିଛନ୍ତି। କାରଖାନା ପରିଦର୍ଶନର ବ୍ୟବସ୍ଥା ପାଇଁ ଶିକ୍ଷକମାନେ କମ୍ପାନୀ କର୍ତ୍ତୃପକ୍ଷଙ୍କୁ ଧନ୍ୟବାଦ ଜଣାଇଛନ୍ତି ଏବଂ କହିଛନ୍ତି ଯେ କାରଖାନା ଦେଖିବା ପାଇଁ ଛାତ୍ରମାନେ ବହୁତ ଉତ୍ସାହିତ ଅଛନ୍ତି କାରଣ ଆମେ ସମସ୍ତେ ଏହାକୁ ବାହାରୁ ଦେଖିଛୁ ଏବଂ ଏହି ପରିଦର୍ଶନ ଏକ ଅନନ୍ୟ ଅନୁଭୂତି ଯାହା ଆମ ସ୍ମୃତିରେ ସର୍ବଦା ଜୀବନ୍ତ ରହିବ | ବିଦ୍ୟାଳୟର ଶିକ୍ଷକ, ଶିକ୍ଷୟତ୍ରୀ ଏବଂ ଛାତ୍ର ଛାତ୍ରୀ, କମ୍ପାନୀର ସିଏସଆର ବିଭାଗ,ଆଡମିନ, ଇଷ୍ଟେଟ, ୟୁଟିଲିଟୀ , ସୁରକ୍ଷା ଏବଂ ଦମକଳ ବିଭାଗର କର୍ମଚାରୀମାନେ ଏହି କାର୍ଯ୍ୟକ୍ରମକୁ ସଫଳ କରିବାରେ ସହଯୋଗ ପ୍ରଦାନ କରିଥିଲେ l
