ରାଜଗାଙ୍ଗପୁର,୩୦/୦୩(ମନୋଜ ଭୋଳ):-ବାମରା ଠାରେ ବିଭିନ୍ନ 5 ଟି ଟ୍ରେନ ରହଣି ନେଇ ଦାବି କରାଯାଉଥିବା ବେଳେ ଆଜି ବାମରା ରେଳ ଷ୍ଟେସନ ଠାରେ ବନ୍ଦ ଡାକରା ଦିଆ ଯିବା ସହ ଧାରଣା ଦିଆ ଯାଇ ବିକ୍ଷୋଭ ପ୍ରଦର୍ଶନ କରାଯାଇଛି |ଯାହା ଫଳରେ ଆଜି ରେଳ ଚଳାଚଳ ଠପ ହୋଇଥିବା ଦେଖିବାକୁ ମିଳିଛି |ରାଜଗାଙ୍ଗପୁର ରେଳ ଷ୍ଟେସନ ମଧ୍ୟ ଏଥିରେ ପ୍ରଭାବିତ ହୋଇଥିବା ଦେଖିବାକୁ ମିଳିଛି |ଏମିତିକି ଯାତ୍ରୀ ମାନେ ନାହିଁ ନଥିବା ଅସୁବିଧା ର ସମ୍ମୁଖୀନ ହେଉଥିବା ବେଳେ ରାଜଗାଙ୍ଗପୁର ରେଳ ଷ୍ଟେସନ ରେ ଉତ୍ତେଜନା ଭଳି ପରିସ୍ଥିତି ଦେଖା ଦେଇଛି |ପ୍ରାପ୍ତ ସୂଚନା ଅନୁଯାଇ ହାଉଡ଼ା ରୁ ଜବଳଦଳ ପୁର ଯାଉଥିବା ଟ୍ରେନ ଟି ଆଜି ସଖାଳୁ ରାଜଗାଙ୍ଗପୁର ଷ୍ଟେସନ ରେ ଅଟକି ରହିଥିବା ବେଳେ ଉକ୍ତ ଟ୍ରେନ ରେ ରହିଥିବା ଯାତ୍ରୀ ମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ଦେଖିବାକୁ ମିଳିଛି |
ରାଜଗାଙ୍ଗପୁର ରେଳ ଷ୍ଟେସନ ରେ ଯାତ୍ରୀ ମାନଙ୍କ ମୌଳିକ ସୁବିଧା ନଥିବା ଯୋଗୁ ସେମାନେ ହନ୍ତ ସନ୍ତ ହେଉଥିବା ବେଳେ ଟ୍ରେନ ର ଯାତ୍ରୀ ମାନଙ୍କ ପାଇଁ ରେଲୱେ ତରଫରୁ କୋଣସି ସୁବିଧା ପ୍ରଦାନ କରାଯାଇ ନଥିବା ନେଇ ଯାତ୍ରୀ ମାନେ ଅଭିଯୋଗ କରିଛନ୍ତି |ରାଜଗାଙ୍ଗପୁର ସହର ର କିଛି ସ୍ଵେଛା ସେବି ସଂସ୍ଥା ଯାତ୍ରୀ ମାନଙ୍କୁ ସାହାଯ୍ୟ ଯୋଗାଇ ଦେଇଥିବା ଜଣାପଡିଛି |ଯାତ୍ରୀ ମାନଙ୍କ କହିବା ଅନୁଯାଇ ଟ୍ରେନ ରେ ମହିଳା ଓ ଛୋଟ ଛୋଟ ପିଲା ମାନେ ଯାତ୍ରା କରୁଥିବା ବେଳେ ଟ୍ରେନ ବହୁ ସମୟ ଧରି ରାଜଗାଙ୍ଗପୁର ରେଳ ଷ୍ଟେସନ ରେ ଅଟକି ରହିଛି |ଏଣୁ ରେଳ ବିଭାଗ ତରଫରୁ ସେମାଙ୍କୁ ଖାଦ୍ୟ ଓ ପାନୀୟ ଜଳ; ର ସୁବିଧା କରିବା କଥା ହେଲେ ସ୍ଥାନୀୟ ସ୍ଵେଛା ସେବି ସଂସ୍ଥା ଗୁଡିକ ଏଥି ପ୍ରତି ଧ୍ୟାନ ଦେଉଥିବା ବେଳେ ରେଳ ବିଭାଗ ମୌନ ସାଜିଛି |ଫଳରେ ଯାତ୍ରୀ ମାନେ ଅତିଶୟ ହୋଇ ଉତ୍ତେଜନା କୁ ଆସିଥିବା ଜଣାପଡିଛି |
