ରାଜଗାଙ୍ଗପୁର,୦୯/୦୩(ମନୋଜ ଭୋଳ) :-ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ସହର ଅନ୍ତର୍ଗତ ସରବତି ଦେବୀ ମହିଳା ମହା ବିଦ୍ୟାଳୟ ପରିସରରେ ଆନ୍ତର୍ଜାତୀୟ ମହିଳା ଦିବସ ମହା ସମାରୋହ ରେ ପାଳିତ ହୋଇଯାଇଛି |ଏହି ଅବସର ରେ ମୁଖ୍ୟ ଅତିଥି ଭାବେ ଜାଗୃତି ମହିଳା ମଣ୍ଡଳର ସଭାପତି ସରୋଜ ଶ୍ରୀବାସ୍ତବ ଯୋଗ ଦେଇଥିବା ବେଳେ ଏହି ଅବସରରେ ମୁଖ୍ୟ ଅତିଥି ମାନଙ୍କୁ ସାସ୍କୃତିକ ନୃତ୍ୟ ମାଧ୍ୟମରେ ସରବତି ମହିଳା ମହା ବିଦ୍ୟାଳୟ ପକ୍ଷରୁ ସ୍ୱାଗତ କରାଯାଇଥିଲା |ଏହି ଅବସର ରେ ସର୩ ଦେବୀ ମହିଳା ମହା ବିଦ୍ୟାଳୟ ଛାତ୍ରୀ ନିବାସ କୁ ଡାଲମିଆ ଭାରତ ସିମେଣ୍ଟ ଦ୍ୱାରା ଦିଆଯାଇଥିବା ପେଡ଼ ବର୍ଣ୍ଣର ଯନ୍ତ୍ର ର ଉଦ୍ଘାଟନ କରାଯାଇଥିଲା |ଏହା ପରେ ଏକ ସଭା ର ଆୟୋଜନ କରାଯାଇଥିଲା |ଏହି ସଭା ପ୍ରାରମ୍ଭ ରେ ମୁଖ୍ୟ ଅତିଥି ଙ୍କ ଦ୍ଵାରା ପ୍ରଦୀପ ପ୍ରଜ୍ବଳନ କରାଯାଇ ଅତିଥି ଙ୍କୁ ସ୍ୱାଗତ ଗୀତ ମାଧ୍ୟମରେ ସ୍ୱାଗତ କରାଯାଇଥିଲା ପରେ ମହା ବିଦ୍ୟାଳୟ ର୍ ଅଧକ୍ଷ ଶ୍ରୀଯୁକ୍ତ ବିପିନ ବିଭରି ଚୌଧୁରି ଅତିଥି ମାନଙ୍କ ପରିଚୟ ପ୍ରଦାନ କରିବା ୧ହି ମହିଳା ଦିବସ ଉପରେ ନିଜର ବକ୍ତବ୍ୟ ରଖିଥିଲେ |ଏହି ମହିଳା ଦିବସ ପାଳନ ଅବସର ରେ ରାଜ୍ୟ ଓ ଜାତୀୟ ସ୍ତର ଖେଳାଳି ମାନଙ୍କୁ ପୁରସ୍କାର ପ୍ରଦାନ କରା ଯିବା ସହ ସମ୍ବର୍ଦ୍ଧନା କରାଯାଇଥିଲା |ଏହା ସହିତ ଏ ଦିବସ ଉପଲକ୍ଷେ ଏନ୍ ଏସ୍ ଏସୟୁନିଟ ଦ୍ୱାରା ଏକ ପ୍ରବନ୍ଧ ପ୍ରତିଯୋଗିତା କରାଯାଇଥିବା ବେଳେ ଏଥିରେ ଉତ୍ତୀର୍ଣ ହୋଇଥିବା ପ୍ରତିଯୋଗୀ ଓ ସ୍ବେଚ୍ଛା ସେବୀ ଙ୍କୁ ପୁରସ୍କୃତ କରାଯାଇଥିଲା |ପରିଶେଷରେ ଧନ୍ୟବାଦ ଅର୍ପଣ କରାଯାଇ ସଭାକୁ ସମାପ୍ତ କରାଯାଇଥିଲା |ଏହି କାର୍ଯ୍ୟକ୍ରମକୁ ସରବତି ମହିଳା ମହା ବିଦ୍ୟାଳୟ ର ଅଧ୍ୟାପକ ,ଅଧ୍ୟାପିକା ସମେତ ସମସ୍ତ ଏନ୍ ଏସ୍ ଏସ୍ ସ୍ବେଚ୍ଛାସେବୀ ଉପସ୍ଥିତ ରହି ସୁଚାରୁ ରୂପରେ ତୁଲାଇ ଥିଲେ |
