ଗୁଣୁପୁର, (ସିଦ୍ଧାର୍ଥ ଦାସଙ୍କ ରିପୋର୍ଟ) ପାଳିତ ସ୍ଵୟଂ ଶାସିତ ଦିବସ କୁ ନେଇ ପୋୖର ବାସୀ ଗର୍ବ ଅନୁଭବ କଲେବି ପରିଷଦରେ ଦେଖା ଦେଉଥିବା ଚଳନ୍ତି ବ୍ୟବସ୍ଥାକୁ ନେଇ କେହି ଛାତିରେ ହାତରଖି କହିବେନି ଆମ ଗୁଣପୁର ସ୍ୱଚ୍ଛ – ସବୁଜ – ସୁନ୍ଦର । ସହର ମଧ୍ୟରେ ପରିମଳ ବ୍ୟବସ୍ଥାକୁ ନେଇ ପ୍ରକାଶିତ ହୋଇଥିବା ଖବର ଏବଂ ବର୍ତ୍ତମାନର ବ୍ୟବସ୍ଥା କୁ ଦେଖି କେହିବି ଏକଥା କହିବେ ନାହିଁ । ଏଥି ପୂର୍ବରୁ ପାଳିତ ଦିବସରେ ପରିଷଦ ଗଣ ବାହୁପିଟି କହୁ ଥିଲେ ଦେଖ ଆମ ସମ୍ମାନ ପତ୍ର ସଭିଙ୍କଠୁଁ ଆମେକେତେ ଆଗରେ । ସେଦିନ ଗଲା,ସେ ଶାସକ ନାହାଁନ୍ତି । ଏବେ ସବୁ ପ୍ରଶାସକ ଙ୍କ ହାତରେ । ସେତେବେଳର ଆଉ ଏବର ବ୍ୟବସ୍ଥା ମଧ୍ୟରେ ଅନେକ ଫରକ । ଏହାକୁ ନେଇ ଆମର କିଛି ଉପସ୍ଥାପନା । ଜନତା ମନୋନୀତ ଶାସକ ଯିବା ପରେ ପ୍ରଶାସକ ଙ୍କ ହାତକୁ ଗଲା ଶାସନ ଭାର । ସଭିଙ୍କ ମନରେ ଆଶା ସଂଚାର ହେଲା କିଛିଟା ପରିବର୍ତ୍ତନ ନିଶ୍ଚୟ । ଉନ୍ନତି ମୂଳକ କାର୍ଯ୍ୟ ରେ ଅଧ୍ୟକ୍ଷ ଙ୍କ ହାତ ସଫେଇ ନେଇ ଅନେକ ବିରୋଧୀ ସ୍ଵର ଉଠୁଥିଲା । ତଥାପି ସୁଧାର ଥିଲା ପରିମଳ ବ୍ୟବସ୍ଥାରେ ।
ଖାତିର ଥିଲା ପୋୖରବାସୀ ଓ ପରିଷଦ ପ୍ରତି । ଗୁହାରୀ ଶୁଣିବା ପାଇଁ ସ୍ଥାନୀୟ ସର୍ବୋଚ୍ଚ ଅଧିକାରୀ ଥିଲେ । ଏବେ ସେହି ବିରୋଧୀ ସ୍ଵର ନାହିଁକି ଗୁହାରୀ ଶୁଣିବା ପାଇଁ କେହି ନାହିଁ । ଉନ୍ନତି ନାମରେ କେବଳ ପି.ସି. ହାତେଇବା ନିମନ୍ତେ ନୂତନ ରାସ୍ତାର ନିର୍ମାଣ ବୋଲି ସ୍ୱର ଉଠୁଥିଲା । ଏବେ କିନ୍ତୁ ଏହି ସ୍ୱର ଶୁଭୁନି । ସାହି ବସ୍ତି ପାଇଁ ରାସ୍ତା ନିର୍ମାଣ ର ବ୍ୟବସ୍ତା ଥିବାବେଳେ ବର୍ତ୍ତମାନ ଗୋଟିଏ ଘର ନିମନ୍ତେ ରାସ୍ତାଟିଏ ନିର୍ମାଣ ପାଇଁ ବ୍ୟବସ୍ଥା । ଅନେକ ସ୍ଥାନରେ ଶୌଚାଳୟ ନିର୍ମାଣ ହୋଇଛି ବର୍ତ୍ତମାନ ର ପରିଚାଳନା ଅଭାବ ରୁ ଏହାର ପରିସର ନର୍ଦ୍ଦମା ପାଲଟିଛି । ମଶା ଧୂପ ମାରିବା ଯନ୍ତ୍ର , ବ୍ଲିଚିଙ୍ଗ ଓ ଫିନାଇଲ କିଣା ସରି ରକ୍ଷଣା ବେକ୍ଷଣ ର ବ୍ୟବସ୍ଥା କରାଯାଇଛି କିନ୍ତୁ ଏସବୁ ଜନ ସେବାରେ ଲାଗିପାରିନି । ବହୁ ଅର୍ଥ ଖର୍ଚ୍ଚ ବ୍ୟୟ ରେ ନିର୍ମାଣ ହୋଇଛି ବିଜୁ କଲ୍ୟାଣ ମଣ୍ଡପ ଓ ଟାଉନ ହଲ ଏବେ ଏହା ଭଙ୍ଗା ଦଦରା ଅବସ୍ଥାରେ । ସହର ବାସୀ ଙ୍କ ବ୍ୟବହାର ପାଇଁ ପାଇପ ମଧ୍ୟମରେ ଜଳ ଯୋଗାଣ ର ବ୍ୟବସ୍ଥା କରାଯାଇଛି । ଏଠି ପାଇଁ ରାସ୍ତା ଉପରେ କରାଯାଇଥିବା ଗାତ ରେ କୁତ୍ରିମ ନର୍ଦ୍ଦମା ସୃଷ୍ଟି ହୋଇଛି । ସହର ବାସୀଙ୍କୁ ପିଇବା ପାଇଁ ଯୋଗାଉ ଥିବା ସ୍ଵଚ୍ଛ ପାଣି ବାହାର କରାଯାଉଥିବା ସ୍ଥାନ ଟି ସହରରୁ ନିଷ୍କାସିତ ଆବର୍ଜନା ପାଣିରେ ଭରି ରହିଛି ।
ସୁଦ୍ଧ ଜଳ ଯୋଗାଣ ନାମରେ ଦୂଷିତ ଜଳ ଯୋଗାଣ ବ୍ୟବସ୍ଥା କରାଯାଇଛି । ବେକାରୀ ଙ୍କ ପାଇଁ ନୂତନ ବସଷ୍ଟାଣ୍ଡ ଠାରେ ଦୋକାନ ଗୃହ ନିର୍ମାଣ କରି ଲିଜ ର ବ୍ୟବସ୍ଥା କୁ କହୋଳ କରି ସବ ଲିଜ ର ବ୍ୟବସ୍ଥା କରାଯାଇପାରିଛି । ପରିଷଦର ର ଇଚ୍ଛା ମୁତାବକ ନିର୍ମିତ ହୋଇଥିବା ଦୋକାନ ଗୃହକୁ ଭାଙ୍ଗି ବ୍ୟବହାରି କରି ବ୍ୟବସାୟୀଙ୍କ ସୁବିଧା ମୁତାବକ ଗୃହ ନିର୍ମାଣ ର ବ୍ୟବସ୍ଥା କରାଯାଇପାରିଛି । ଆଲୋକି କରଣ ବ୍ୟବସ୍ଥା ପାଇଁ ଖୁଣ୍ଟ ପୋତାଯାଇପାରିଛି । ହେଲେ ବିଦ୍ୟୁତ ସଂଯୋଗ ହୋଇ ପାରିନାହିଁ । ଅନ୍ୟ କେଉଁ ସହରରେ ସ୍ୱଚ୍ଛତା ନାମରେ ଆଦାୟ ହେଉନଥିବାବେଳେ ମାସକୁ ୩୦ ଟଙ୍କା ସ୍ୱଚ୍ଛତା ନାମରେ ଆଦାୟ ହୋଇପାରୁଛି । ପରିଷଦ ର ପାଣ୍ଠି ବଢାଇବା ପାଇଁ ଦୁର୍ଘଟଣା କୁ ସ୍ଵାଗତ ଜଣାଇ ରାସ୍ତା କଡରେ ଉଠା ଦୋକାନ ର ବ୍ୟବସ୍ଥା କରାଯାଇପାରିଛି । ପ୍ରଣୟନ ହୋଇଥିବା ସୂଚନା ଅଧିକାର ଆଇନ କୁ ଖିଲାପ କରାଯାଇପାରୁଛି । ସରକାର ଙ୍କ ଦ୍ଵାରା ନିଯୁକ୍ତ ସଫେଇ କର୍ମଚାରୀ ଙ୍କୁ ଛଟେଇ କରି ଏଜେନ୍ସି ମାଧ୍ୟମରେ ସଫେଇ ର ବ୍ୟବସ୍ଥା କରାଯାଇପାରିଛି । ପୌରପରିଷଦ ରେ ଏସବୁ ବିକାଶର ଧାରା ପ୍ରବାହିତ ହୋଇ ନବ ନିର୍ମାଣ ର ଯୁଗ ଆସିଛି । ବୋଧେ ହୁଏ ଏସବୁକୁ ନେଇ ପୌର ବାସୀ ଗର୍ବି ରେ କରିପାରୁଛି ଆମ ଗୁଣପୁର ସ୍ୱଚ୍ଛ – ସବୁଜ – ସୁନ୍ଦର । ଏହି ସମସ୍ତ ବିଷୟ ନେଇ ଯେଉଁ ସାମ୍ବାଦିକ ଖବର ପ୍ରକାଶ କରିବ ତାଙ୍କୁ ଶୁଣିବାକୁ ପଡୁଛି ନିନ୍ଦା ଓ ଅପବାଦ କିନ୍ତୁ ସବୁ ଜାଣି ଶୁଣି ଚୁପ୍ ରହିଥିବା ଲୋକ ଙ୍କୁ ସମ୍ବର୍ଦ୍ଧିତ କରୁଛନ୍ତି ପୌର କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ଉମା ଦାସ ।
